തിരുവല്ല : കാവുംഭാഗം - ഇടിഞ്ഞില്ലം റോഡിൽ നിയന്ത്രണം നഷ്ടപ്പെട്ട കാർ പാടശേഖരത്തിലെ വെള്ളക്കെട്ടിലേക്ക് മറിഞ്ഞു. കാർ ഡ്രൈവർ അത്ഭുതകരമായി രക്ഷപ്പെട്ടു. ഇടിഞ്ഞില്ലം ജംഗ്ഷന് സമീപം ഇന്നലെ വൈകിട്ട് അഞ്ചരയോടെയാണ് സംഭവം. തിരുവല്ലയിൽ നിന്നെത്തിയ അഗ്നിരക്ഷാസംഘവും നാട്ടുകാരും ചേർന്ന് ഡ്രൈവറെ രക്ഷപ്പടുത്തി. കാർ വെള്ളക്കെട്ടിൽ നിന്നും കരയ്ക്ക് എത്തിച്ചു.