അടൂർ : പ്ളാസ്റ്റിക് ഉപയോഗം കുറയ്ക്കുന്നതിനായി തുണി സഞ്ചികളുമായി എത്തുകയാണ് ബ്രദേഴ്‌സ് വനിതാവേദി പ്രവർത്തകർ. വീട്ടിലെ ഉപയോഗശൂന്യമായ തുണികൾ ഉപയോഗിച്ച് സഞ്ചികൾ നിർമ്മിക്കാനുള്ള പരിശീലനം നേടി​യി​രി​ക്കുകയാണ് വനിതാവേദി അംഗങ്ങൾ. കുട്ടികളും അമ്മമാരും തലയിൽ ധരിക്കുന്ന ഹെയർ ബൺ ഉൾപ്പെടെയുള്ളവ പാഴ് വസ്ത്രങ്ങളിൽ നിന്ന് നിർമ്മിക്കാനും പരിശീലനം നൽകി. പരിശീലനം നേടിയവർ വാർഡിലെ മറ്റു വീടുകളിലുള്ളവരെയും തുണി സഞ്ചി നിർമ്മി​ക്കാൻ പഠി​പ്പി​ക്കും. പ്രവർത്തിപരിചയ അദ്ധ്യാപിക കൃഷ്ണശ്രീ നേതൃത്വം നൽകി. വനിതാവേദി സെക്രട്ടറി ജയലക്ഷ്മി.ടി​, ട്രഷറർ ചിന്നു വിജയൻ, വനിതാവേദി ഭാരവാഹികളായ ദർശന സന്തോഷ്, ജയശ്രീ.ജെ, രേഷ്മ മണിലാൽ, ബിന്ദുജ.ബി എന്നിവർ നേതൃത്വം നൽകി.