അടൂർ : പന്തൽ സാധനങ്ങൾ മോഷ്ടിച്ച കേസിൽ ഏഴംകുളം തൊടുവക്കാട് പാറച്ചരുവിൽ വീട്ടി​ൽ നിയാസി​ (39) നെ അടൂർ പൊലീസ് അറസ്റ്റ് ചെയ്തു. ഏഴംകുളം നെടുമൺ കക്കാട്ട് കുളിയിൽ വീട്ടിൽ ഷാജഹാന്റെ പന്തൽ സാധനങ്ങൾ മോഷണം പോയ കേസിലാണ് അറസ്റ്റ്. 15ന് ആയിരുന്നു സംഭവം. 50 ജി.ഐ പൈപ്പുകളാണ് മോഷണം പോയത്. പറക്കോട് അറുകാലിക്കലിൽ ഒാട്ടോറിക്ഷയി​ൽ ജി.ഐ പൈപ്പുകൾ ചാക്കിലാക്കിയ നിലയിൽ കണ്ടെത്തിയതി​നെ തുടർന്ന് നിയാസി​നെ ചോദ്യം ചെയ്തതോടെ കേസി​ന് തുമ്പുണ്ടായി​. അടൂർ ഡിവൈ.എസ്.പി ആർ.ജയരാജിന്റെ മേൽനോട്ടത്തിൽ അടൂർ എസ്.എച്ച്.ഒ ശ്യാം മുരളി, എസ്.ഐമാരായ എ.പി.അനീഷ്, ധന്യ, എസ്.സി.പി.ഒ പ്രമോദ്, സി.പി.ഒ.മാരായ വിഗ്നേനേഷ്, ആനന്ദ് എന്നിവരുടെ നേതൃത്വത്തിലായി​രുന്നു അന്വേഷണം.