റാന്നി : ജോയിന്റ് കൗൺസിൽ ജില്ലാ സമ്മേളനത്തിന്റെ ഭാഗമായി റാന്നി മാടമൺ നോർത്ത് ഗവൺമെൻറ് എൽ.പി സ്കൂളിലെ കുട്ടികളോടൊപ്പം സ്നേഹ സല്ലാപം പരിപാടി സംഘടിപ്പിച്ചു. സി.പി.ഐ സംസ്ഥാന കൗൺ​സിലംഗം ഡി.സജി ഉദ്ഘാടനം ചെയ്തു. പഠനോപകരണ വിതരണം ജോയിന്റ് കൗൺ​സിൽ സംസ്ഥാന സെക്രട്ടറിയേറ്റംഗം എൻ.കൃഷ്ണകുമാർ നിർവഹിച്ചു. വി. പ്രസാദ് കലാപരിപാടികൾക്ക് നേതൃത്വം നൽകി​. സി.പി.ഐ മണ്ഡലം സെക്രട്ടറി ജോജോ കോവൂർ, ജോയിന്റ് കൗൺ​സിൽ സംസ്ഥാന കമ്മിറ്റി അംഗം എൻ.സോയമോൾ, ജില്ലാ സെക്രട്ടറി ജി.അഖിൽ, ജില്ലാ പ്രസിഡന്റ് ആർ.മനോജ് കുമാർ, ട്രഷറർ പി.എസ്.മനോജ് കുമാർ, എം.വി പ്രസന്നകുമാർ,അനിൽ അത്തിക്കയം, മനോജ് കച്ചേരിത്തടം എന്നിവർ പ്രസംഗിച്ചു.