പത്തനംതിട്ട: മാതാപിതാക്കളുടെയും മുതിർന്ന പൗരന്മാരുടെയും സംരക്ഷണവും ക്ഷേമവും സംബന്ധിച്ച നിയമം 2007 മായി ബന്ധപ്പെട്ട ഏകദിന പരിശീലന പരിപാടി നടത്തി. സാമൂഹികനീതി വകുപ്പിന്റെ ആഭിമുഖ്യത്തിൽ നടന്ന പരിപാടി ജില്ലാ പഞ്ചായത്ത് പ്രസിഡന്റ് രാജി.പി.രാജപ്പൻ ഉദ്ഘാടനം ചെയ്തു.
ജില്ലാ സാമൂഹിക നീതി ഓഫീസർ ഷംല ബീഗം, ഡെപ്യൂട്ടി ഡി.എം.ഒ ഐപ്പ് ജോസഫ്, ജില്ലാ രജിസ്ട്രാർ ഹക്കീം, പ്രൊബേഷൻ ഓഫീസർ സന്തോഷ്, ജില്ലാ വയോജന കമ്മിറ്റി അംഗങ്ങളായ ഹരികുമാർ, രാമേശ്വരി അമ്മ, നജീബ് എന്നിവർ പ്രസംഗിച്ചു. അഡ്വ. ശ്രീജിത്ത് സോമശേഖരൻ എം.ഡബ്ല്യു.പി.എസ്.സി ആക്ടുമായി ബന്ധപ്പെട്ട ക്ലാസ് നയിച്ചു.