അടൂർ : മാരൂർ ഗവ ഹയർസെക്കൻഡറി സ്കൂളിന് മുൻവശത്ത് ആൽത്തറയിൽ നിന്നിരുന്ന ആൽമരം കാറ്റിൽ കടപുഴകി റോഡിന് കുറുകെ വീണു വെയിറ്റിംഗ് ഷെഡ് തകർന്നു. ഇന്നലെ രാവിലെ ഒൻപതരയോടെ ആയിരുന്നു സംഭവം. ആളപായമില്ല. അടൂർ നിന്നും പത്തനാപുരത്ത് നിന്നും രണ്ടു യൂണിറ്റ് ഫയർ ഫോഴ്സ് എത്തി മരം മുറിച്ചുമാറ്റി റോഡ് ഗതാഗത യോഗ്യമാക്കി. അടൂർ സ്റ്റേഷൻ ഓഫീസർ വി.വിനോദ് കുമാർ, പത്തനാപുരം സ്റ്റേഷൻ ഓഫീസർ ശിവകുമാർ, സീനിയർ ഫയർ ആൻഡ് റെസ്ക്യൂ ഓഫീസർ അജീഷ് കുമാർ എന്നിവരുടെ നേതൃത്വത്തിലുള്ള ഫയർ ഫോഴ്സ് സംഘമാണ് രക്ഷാ പ്രവർത്തനം നടത്തിയത്.