കൊല്ലം: 2024-25 അദ്ധ്യയന വർഷത്തിലെ റഗുലർ ഡിപ്ലോമ ലാറ്ററൽ എൻട്രി അഡ്‌മിഷനിൽ നോഡൽ പോളിടെക്നിക് കോളേജിൽ നടന്ന ആദ്യ കൗൺസലിംഗിന് ശേഷം കൊട്ടിയം ശ്രീനാരായണ പോളിടെക്‌നിക് കോളേജിലെ വിവിധ ബ്രാഞ്ചുകളിൽ ഒഴിവുള്ള സീറ്റുകളിലേക്കുള്ള സ്പോട്ട് അഡ്മിഷൻ 5ന് രാവിലെ 9ന് കൊട്ടിയം ശ്രീനാരായണ പോളിടെക്നിക് കോളേജിൽ നടക്കും. നിലവിൽ ലാറ്ററൽ എൻട്രി റാങ്ക് ലിസ്റ്റിൽ ഉൾപ്പെട്ടിട്ടുള്ളവർക്കും പുതുതായി അപേക്ഷ സമർപ്പിക്കുന്നവർക്കും സ്പോട്ട് അഡ്മിഷനിൽ പങ്കെടുക്കാം. അഡ്മിഷൻ ലഭിക്കുന്നവർ ഒറിജിനൽ സർട്ടിഫിക്കറ്റുകളും, ടി.സി, സ്വഭാവ സർട്ടിഫിക്കറ്റ് എന്നിവയും ഹാജരാക്കേണ്ടതാണ്. മുഴുവൻ ഫീസും അഡ്മിഷൻ സമയത്ത് അടയ്ക്കണം. ഒഴിവുകൾ സംബന്ധിച്ച വിശദ വിവരങ്ങൾ www.polyadmission.org/let എന്ന വെബ്സൈറ്റിലെ വേക്കൻസി പൊസിഷൻ എന്ന ലിങ്കിൽ ലഭ്യമാണ്. ഫോൺ: 8281811074, 8075234094, 9188590801.