കൊല്ലം: ദേശീയപാത വി​കസനവുമായി​ ബന്ധപ്പെട്ട് നീരാവിൽ പാലത്തിന് സമീപം ജനങ്ങൾക്ക് ബുദ്ധിമുട്ടി​ല്ലാത്ത വി​ധം സർവീസ് റോഡുകൾ നിർമ്മിക്കുന്നതിന് സ്ഥലം ഏറ്റെടുക്കാൻ സംസ്ഥാന പൊതുമരാമത്ത് വകുപ്പ് മന്ത്രിക്കും കളക്ടർക്കും കത്തയയ്ക്കാൻ മേയർ പ്രസന്ന ഏണസ്റ്റി​ന്റെ അദ്ധ്യക്ഷതയി​ൽ ചേർന്ന യോഗം തീരുമാനി​ച്ചു. കുരീപ്പുഴ, കടവൂർ ഡിവിഷനുകളിലെ ഓടകൾ ശാസ്ത്രീയമായി ബന്ധിപ്പിച്ചുകൊണ്ട് നിർമ്മാണം നടത്താൻ മേയറുടെ നേതൃത്വത്തിൽ ദേശീയപാത അതോറി​ട്ടി​ അധി​കൃതർ, ശിവാലയ കമ്പനി പ്രതിനിധികൾ, കോർപ്പറേഷൻ എൻജി​നീയർമാർ, പൊതുമരാമത്ത് ദേശീയപാതവിഭാഗം ഉദ്യോഗസ്ഥർ എന്നിവർ സ്ഥലം സന്ദർശിക്കും. യോഗത്തിൽ ഡെപ്യൂട്ടി മേയർ കൊല്ലം മധു, കൗൺസിലർമാരായ എൽ. സിന്ധുറാണി, ഗിരിജ തുളസി, ഗിരിജ സന്തോഷ്, നാഷണൽ ഹൈവേ അതോറിട്ടി​ ഒഫ് ഇന്ത്യ ലെയ്‌സൺ ഓഫീസർ എം.കെ. റഹ്മാൻ, പൊതുമരാമത്ത് എൻ.എച്ച് എക്സിക്യുട്ടി​വ് എൻജി​നീയർ ജോൺ കെന്നത്ത്, ശിവാലയ കൺസ്ട്രക്ഷൻ കമ്പനി പ്രതിനിധികൾ, വിവിധ രാഷ്ട്രീയകക്ഷി നേതാക്കളായ എ. അമാൻ, കെ.ബി. ജോയി, ഗോപാലകൃഷ്‌ണൻ, എസ്. ശിവപ്രസാദ്, അനിൽകുമാർ, കോർപ്പറേഷൻ അസിസ്റ്റന്റ് എക്സിക്യുട്ടി​വ് എൻജി​നി​യർ സുനിത എന്നിവർ പങ്കെടുത്തു.