കൊല്ലം: വൈക്കം മുഹമ്മദ് ബഷീറിന്റെ മുപ്പതാം ചരമ വാർഷിക ദിവസം അമൃതുകുളം മുണ്ടയ്ക്കൽ ഈസ്റ്റ് ഗവ. എൽ.പി സ്കൂളിലെ കുട്ടികൾ ഇമ്മിണി ബല്യ കഥകൾ കഥാസമാഹാരം പ്രകാശനം ചെയ്തു. കുട്ടികൾ എഴുതിയ മുപ്പത് കഥകളാണ് ഈ പുസ്തകത്തിലുള്ളത്. പ്രഥമാദ്ധ്യാപിക കെ. നാജിയത്ത് സ്കൂൾ ലീഡർ എച്ച്. ശ്രീഹരിയിൽ നിന്നു പുസ്തകം ഏറ്റുവാങ്ങി പ്രകാശനം നിർവഹിച്ചു. ഡി. ഡിക്‌സൺ ബഷീർ അനുസ്മരണം നടത്തി. ബഷീർ കൃതികളുടെ പ്രദർശനം, ക്വിസ് എന്നിവ സംഘടിപ്പിച്ചു. അദ്ധ്യാപകരായ എസ്. സുമിന, ഗ്രേസ് മൈക്കിൾ, എം. സീത എന്നിവർ നേതൃത്വം നൽകി.