കൊല്ലം: ശാബ്ദി നികേതൻ പൊലീസ് ലൈബ്രറിയും കൊല്ലം എസ്.എൻ ട്രസ്റ്റ് എച്ച്.എസ്.എസ് എസ്.പി.സി യൂണിറ്റും സംയുക്തമായി നടത്തിയ വായന പക്ഷാചരണത്തിന്റെ ഭാഗമായി ന്യൂജെൻ കാലത്തെ കുട്ടികളിലെ വായനാശീലം എന്ന വിഷയത്തിൽ സെമിനാർ സംഘടിപ്പിച്ചു. കൊല്ലം ജില്ല ലൈബ്രറി കൗൺസിൽ അംഗം എ. റഷീദ് ഉദ്ഘാടനം നിർവഹിച്ചു. കേരള പൊലീസ് ഓഫീസേഴ്സ് അസോ. ജില്ല ഹെഡ് ക്വാർട്ടേഴ്സ് യൂണിറ്റ് സെക്രട്ടറി ഉണ്ണിരാജ അദ്ധ്യക്ഷനായി. കൊല്ലം പൊലീസ് സൊസൈറ്റി സെക്രട്ടറി ബി.എസ്. സനോജ് മുഖ്യ പ്രഭാഷണം നിർവഹിച്ചു. ലൈബ്രറി സെക്രട്ടറി എ.ആർ. ഹാഷിം, പൊലീസ് അസോ. ജില്ലാ ഹെഡ് ക്വാർട്ടേഴ്സ് യൂണിറ്റ് സെക്രട്ടറി സക്കീർ ഹുസൈൻ, പി.എസ്. ദീപ എന്നിവർ സംസാരിച്ചു. സ്കൂൾ എസ്.പി.സി സി.പി.ഒ എം.ആർ. ഷാജി സ്വാഗതവും ലൈബ്രറി ജോ. സെക്രട്ടറി പി. രാജേന്ദ്രൻ നന്ദിയും പറഞ്ഞു.