കൊല്ലം: എസ്.എൻ.ഡി.പി യോഗം കാവനാട് മീനത്തുചേരി 639-ാം നമ്പർ ശാഖായോഗം ഭരണസമിതി സംഘടി​പ്പി​ച്ച വിദ്യാഭ്യാസ അവാർഡ്, പഠനോപകരണ വിതരണ സമ്മേളനം കൊല്ലം യൂണിയൻ പ്രസിഡന്റ് മോഹൻ ശങ്കർ ഉദ്ഘാടനം ചെയ്തു. യൂണിയൻ സെക്രട്ടറി എൻ. രാജേന്ദ്രൻ മുഖ്യപ്രഭാഷണവും വി​ദ്യാഭ്യാസ അവാർഡ് വിതരണവും നടത്തി. യോഗം കൗൺസിലർ പി. സുന്ദരൻ പഠനോപകരണങ്ങൾ വി​തരണം ചെയ്തു. ശാഖ പ്രസിഡന്റ് ബാലചന്ദ്ര ബാബു അദ്ധ്യക്ഷത വഹി​ച്ചു. യൂണിയൻ കൗൺസിലർ അഡ്വ. ഷേണാജി, യൂണിയൻ വനിതാ സംഘം പ്രസിഡന്റ് ഡോ. സുലേഖ, എസ്.എൻ ട്രസ്റ്റ് മെമ്പറും വനിതാ സംഘം മേഖല കൺവീനറുമായ ഡോ. അനിത ശങ്കർ എന്നിവർ സംസാരി​ച്ചു. ശാഖാ സെക്രട്ടറി കിടങ്ങിൽ സതീഷ് സ്വാഗതവും വൈസ് പ്രസിഡന്റ് സുഗതൻ നന്ദിയും പറഞ്ഞു.