ചവറ: എസ്.എൻ.ഡി.പി യോഗം, കാവനാട്, മീനത്തു ചേരി, 639 -ാം നമ്പർ ശാഖാ യോഗം ഭരണസമിതിയുടെ നേതൃത്വത്തിൽ വിദ്യാഭ്യാസ അവാർഡ് ദാനവും പഠനോപകരണ വിതരണവും സംഘടിപ്പിച്ചു. ശാഖാ മന്ദിരത്തിൽ കൂടിയ പൊതുസമ്മേളനത്തിൽ ശാഖാ പ്രസിഡന്റ് ബാലചന്ദ്ര ബാബു അദ്ധ്യക്ഷനായി. ശാഖാ സെക്രട്ടറി കിടങ്ങിൽ സതീഷ് സ്വാഗതം പറഞ്ഞു. കൊല്ലം യൂണിയൻ പ്രസിഡന്റ് മോഹൻ ശങ്കർ ഉദ്ഘാടനം ചെയ്തു. യൂണിയൻ സെക്രട്ടറി എൻ.രാജേന്ദ്രൻ മുഖ്യപ്രഭാഷണവും അവാർഡ് വിതരണവും നടത്തി. യോഗം കൗൺസിലർ പി.സുന്ദരൻ, പഠനോപകരണ വിതരണവും യൂണിയൻ കൗൺസിലർ അഡ്വ.ഷേണാജി, യൂണിയൻവനിതാ സംഘം പ്രസിഡന്റ് ഡോ.സുലേഖ, എസ്.എൻ ട്രസ്റ്റ് മെമ്പറും വനിതാ സംഘം മേഖല കൺവീനറുമായ ഡോ.അനിത ശങ്കർ എന്നിവർ സംസാരിച്ചു. ശാഖാ യോഗം മുൻ ഭാരവാഹികൾ, വനിതാ സംഘം പ്രവർത്തകർ, യൂത്ത് മൂവ്മെന്റ് ഭാരവാഹികൾ, ശാഖ അംഗങ്ങൾ തുടങ്ങിയവർ പങ്കെടുത്തു. ശാഖ വൈസ് പ്രസിഡന്റ് സുഗതൻ നന്ദി പറഞ്ഞു.