പാരിപ്പള്ളി: കോഴിക്കോട് തിരുവമ്പാടി വൈദ്യുത സെക്ഷൻ ഓഫീസ് ആക്രമണത്തിനെതിരെ ചാത്തന്നൂർ കെ.എസ്.ഇ.ബി ഡിവിഷനിലെ എല്ലാ ഓഫീസുകളിലും പ്രതിഷേധ യോഗം നടത്തി. ചാത്തന്നൂർ സെക്ഷനിൽ വർക്കേഴ്സ് അസോ. (സി.ഐ.ടി.യു) ഡിവിഷൻ സെക്രട്ടറി എ.എ. സുനിൽ ഉദ്ഘാടനം ചെയ്തു. വനിതാ കൺവീനർ അധീന അദ്ധ്യക്ഷത വഹി​ച്ചു. സബ് എൻജി​നീയർമാരായ ബിനു, ജേക്കബ് ജോൺ, ഓവർസിയർ സുനിൽ കുമാർ, മോഹൻ, സിനി എന്നിവർ വിശദീകരണം നടത്തി. ലിജിൻ നന്ദി പറഞ്ഞു. ചാത്തന്നൂർ ഡിവിഷനിലെ പാരിപ്പള്ളി, പരവൂർ, പൂതക്കുളം, മയ്യനാട്, കൊട്ടിയം, കണ്ണനല്ലൂർ ഓഫീസുകളിലും പ്രതിഷേധം സംഘടിപ്പിച്ചു.