ചാത്തന്നൂർ: സ്വകാര്യ ബസ് യാത്രി​കയായ വൃദ്ധയുടെ ഒന്നര പവൻ മാല മോഷ്ടി​ച്ച തമി​ഴ്നാട് സ്വദേശി​ മീനാക്ഷി​യെ (35) കണ്ണനല്ലൂർ സ്വകാര്യ ബസ് സ്റ്റാൻഡി​ൽ നി​ന്ന് പൊലീസ് അറസ്റ്റ് ചെയ്തു. കൊട്ടിയത്ത് നിന്നു കണ്ണനല്ലൂരിലേക്ക് പോകുകയായിരുന്ന തൃക്കോവിൽവട്ടം കിഴവൂർ സ്വദേശിനി സബീനാബീവിയുടെ (63) മാലയാണ് മോഷ്ടിച്ചത്. മോഷണം ശ്രദ്ധയിൽപ്പെട്ട യാത്രക്കാർ യുവതിയെ തടഞ്ഞുവച്ച് പൊലീസിൽ വിവരമറിയിക്കുകയായിരുന്നു. മീനാക്ഷി​യി​ൽ നി​ന്ന് മാല പൊലീസ് കണ്ടെത്തി. ഇവർക്കെതിരെ മറ്റ് സ്റ്റേഷനുകളിൽ കേസുകൾ നിലവിലുണ്ടോ എന്ന് അന്വേഷിക്കുമെന്ന് കണ്ണനല്ലൂർ എസ്.എച്ച്.ഒ അറിയിച്ചു. പ്രതിയെ കൊട്ടാരക്കര കോടതിയിൽ ഹാജരാക്കി റിമാൻഡ് ചെയ്തു.