കൊല്ലം: ഉളിയക്കോവിൽ സെന്റ് മേരീസ് പബ്ലിക് സ്‌കൂളിൽ സ്റ്റുഡന്റ് കൗൺസിൽ ഇലക്ഷൻ 2024 ജനാധിപത്യ രീതിയിൽ സംഘടിപ്പിച്ചു. തിരഞ്ഞെടുപ്പിൽ സ്‌കൂളിലെ മുഴുവൻ വിദ്യാർത്ഥികളും രഹസ്യബാലറ്റ് വഴി വോട്ട് രേഖപ്പെടുത്തി. പൂർവ വിദ്യാർത്ഥികളായ ഡെയ്‌സി ട്രിസ്സാ ബാസ്റ്റ്യൻ, കാർത്തിക് എം.രാജ് എന്നിവർ പ്രിസൈഡിംഗ് ഓഫീസർമാരായി. സത്യപ്രതിജ്ഞ ചടങ്ങ് എക്സൈസ് പ്രിവന്റീവ് ഓഫീസർ ടി.വിഷ്ണുരാജ് ഉദ്ഘാടനം ചെയ്തു. സ്‌കൂൾ ചെയർമാൻ ഡോ. ഡി. പൊന്നച്ചൻ അദ്ധ്യക്ഷനായി. വൈസ് പ്രിൻസിപ്പൽ ക്രിസ്റ്റി ഡി. പൊന്നൻ, സ്‌കൂൾ പ്രിൻസിപ്പൽ മഞ്ജു രാജീവ്, അഡ്‌മിനിസ്ട്രേറ്റർ ലീലാമ്മ പൊന്നച്ചൻ സംസാരിച്ചു. സ്‌കൂൾ പി.ടി ഇൻസ്ട്രക്ടർ എ. അജ്‌മൽ, എസ്. സുധീഷ് എന്നിവർ പരിപാടിക്ക് നേതൃത്വം വഹിച്ചു.