17 ലക്ഷം രൂപ ചെലവിൽ

ശാസ്താംകോട്ട: മൈനാഗപ്പള്ളി ശ്രീ ചിത്തിര വിലാസം ഗവ.എൽ.പി സ്കൂൾ ശതാബ്ദി ആഘോഷങ്ങളുടെ ഭാഗമായി സെമി പ്ലാനട്ടോറിയം തുറന്നു. ശാസ്ത്ര സാങ്കേതികവിദ്യയുടെ നേട്ടങ്ങൾ മനസിലാക്കാനും ഉപയോഗിക്കാനും കുട്ടികളെ പ്രാപ്‌തരാക്കാനുള്ള പുതു കാൽവെയ്‌പ്പാണ് ഗ്രാമ പഞ്ചായത്തിന്റെ നേതൃത്വത്തിൽ സെമി പ്ലാനട്ടോറിയത്തിൽ ഒരുക്കിയിരിക്കുന്നത്.

• പ്രപഞ്ചവിസ്മയങ്ങൾ സൂര്യൻ, ചന്ദ്രൻ നക്ഷത്രങ്ങൾ, നെബുലകൾ, വാൽനക്ഷത്രങ്ങൾ, ഗ്രഹങ്ങൾ എന്നിവ കൺമുന്നിൽ കണ്ടുംകേട്ടും മനസിലാക്കാനുമുള്ള സൗകര്യം
• വിവിധ ഗ്രഹങ്ങളിൽ വസ്തുവിന്റെ ഭാരം മനസിലാക്കാനുള്ള സൗകര്യമൊരുക്കിയത് കുട്ടികൾക്ക് കൗതുകമായി.
• മനുഷ്യചരിത്രത്തിന്റെ വികാസപരിണാമങ്ങൾ വിശദമാക്കുന്ന വിശാലമായ ചുവർശിൽപ്പവും സജ്ജീകരിച്ചിട്ടുണ്ട്.
• അമ്പത് കുട്ടികൾക്ക് ഒരേസമയം ഇരിക്കാൻ കഴിയുന്ന ശീതീകരിച്ച മുറിയാണ് ഇതിനായി തയ്യാറാക്കിയിട്ടുള്ളത്.

മറ്റ് സ്കൂളുകളിലെ വിദ്യാർത്ഥികൾക്കും

മൈനാഗപ്പള്ളി ഗ്രാമപഞ്ചായത്തിലെ ഇരുപതാം വാർഡിൽ 17 ലക്ഷം രൂപ ചെലവിട്ടാണ് പ്ലാനട്ടോറിയം തയ്യാറാക്കിയത്. പ്രവേശനം സൗജന്യമായതിനാൽ മറ്റ് സ്കൂളുകളിലെ വിദ്യാർത്ഥികൾക്കും പ്ലാനറ്റോറിയം കാണാനുള്ള അവസരം അധികൃതർ ഒരുക്കിയിട്ടുണ്ട്. കാര്യങ്ങൾ വിശദമാക്കുന്നതിന് പ്രത്യേകം പരിശീലനം ലഭിച്ച അദ്ധ്യാപകരും തയ്യാറാണ്.