കൊട്ടാരക്കര: നിർമ്മാണം പൂർത്തിയായി മാസങ്ങൾ പിന്നിട്ടി​ട്ടും കൊട്ടാരക്കര നഗരസഭയി​ലെ പൊതുശ്മശാനത്തി​ന്റെ പ്രവർത്തനം തുടങ്ങിയില്ല. റെയിൽവേ സ്റ്റേഷൻ കവലയ്ക്ക് സമീപത്തെ ഉഗ്രൻകുന്നിൽ മാലിന്യ പ്ളാന്റിനോട് ചേർന്നാണ് 58 ലക്ഷം ചെലവി​ട്ട് 'മോക്ഷകവാടം' എന്ന പേരി​ൽ ശ്മശാനം നിർമ്മിച്ചത്. 2022 മേയി​ൽ മന്ത്രി കെ.എൻ.ബാലഗോപാലാണ് നിർമ്മാണ ഉദ്ഘാടനം നടത്തിയത്. പലവിധ കാരണങ്ങളാൽ പണി​ പൂർത്തിയാകാൻ വൈകി. പിന്നീട് അത്യാധുനിക ഉപകരണങ്ങളെല്ലാം സജ്ജമാക്കിയിട്ടും പ്രവർത്തനം തുടങ്ങുന്ന കാര്യത്തിൽ മെല്ലെപ്പോക്ക് തുടരുകയാണ്.

പ്രയോജനമേറെ

പൊതുശ്മശാനം ഇല്ലാത്തതിന്റെ ബുദ്ധിമുട്ട് അനുഭവിക്കുന്ന ഒട്ടേറെ കുടുംബങ്ങൾ ഈ മേഖലയിലുണ്ട്. കൊട്ടാരക്കരയിൽ കോളനി​ നിവാസികൾ അടുക്കള പൊളിച്ച് മൃതദേഹം സംസ്കരിച്ച സംഭവങ്ങൾ വരെയുണ്ട്. വാടക താമസക്കാരും അനാഥാലയങ്ങളിലെ അന്തേവാസികളുമടക്കം മരി​ക്കുമ്പോൾ ഉപകരി​ക്കപ്പെടേണ്ടതാണ് പൊതുശ്മശാനം. നഗരസഭയ്ക്ക് പുറമെ സമീപ പഞ്ചായത്തി​ലുള്ളവർക്കും പ്രയോജനപ്പെടും.

പൊതുശ്മശാനത്തിന്റെ നിർമ്മാണ ജോലികൾ പൂർത്തിയായി. ചുറ്റുമതിൽ കൂടി നിർമ്മിക്കുന്ന പ്രവൃത്തി​കളാണ് ഇപ്പോൾ നടക്കുന്നത്. ഇതുകൂടി പൂർത്തിയായാൽ ഒരു മാസത്തിനുള്ളിൽ ഉദ്ഘാടനം നടക്കും

എസ്.ആ‌ർ. രമേശ്, നഗരസഭ ചെയർമാൻ