പോരുവഴി: ഡി.വൈ.എഫ്.ഐ നേതാക്കളെ ആക്രമിച്ച കേസിൽ ഒളിവിൽ കഴിഞ്ഞിരുന്ന പ്രതി​കൾ പി​ടി​യി​ൽ. പോരുവഴി പള്ളിമുറി എട്ടുകെട്ടുംവിള ബി. സിദ്ദിഖ് (27), പോരുവഴി കമ്പലടി ഷംന മൻസിലി​ൽ മുഹമ്മദ് സാബിൻ ഷാ (സദ്ദാം -24), ശൂരനാട് വടക്ക് തെക്കേമുറി അൻസില മൻസിലി​ൽ എ. അൻസിൽ (24), ശൂരനാട് വടക്ക് നടുവിലേമുറി സൂഫിയ മൻസിൽ എസ്. അമാനുള്ള (23) എന്നിവരാണ് അറസ്റ്റിലായത്. ഇവരെ കോടതിയിൽ ഹാജരാക്കി റിമാൻഡ് ചെയ്തു.

ചക്കുവള്ളിയിൽ ജൂൺ 5നു രാത്രി എട്ടരയ്ക്കാണ് സംഭവം. ചായ കുടിക്കാൻ എത്തിയ ഡി.വൈ.എഫ്.ഐ പോരുവഴി കിഴക്ക് മേഖല സെക്രട്ടറി കെ.എസ്. അനന്തകൃഷ്ണൻ, ശൂരനാട് മേഖല സെക്രട്ടറി അമൽ കൃഷ്ണൻ, പ്രവർത്തകനായ നാലുമുക്ക് റിയാസ് എന്നിവർക്കാണ് ആക്രമണത്തിൽ പരി​ക്കേറ്റത്. എസ്.ഡി.പി.ഐ- യൂത്ത് കോൺഗ്രസ് പ്രവർത്തകരാണ് ആക്രമണത്തിന് പിന്നിലെന്നാണ് ഡി.വൈ.എഫ്.ഐയുടെ പരാതി.