എഴുകോൺ​: എഴുകൊൺ​ കൊച്ചാഞ്ഞിലിമൂട്ടിൽ അങ്കണവാടിക്കു വേണ്ടി നിർമ്മിച്ച സ്മാർട്ട് കെട്ടിടവും ഉമ്മൻചാണ്ടിയുടെ പേരിൽ പണി കഴിപ്പിച്ച ഗ്രാമസഭ ഹാളും കൊടി​ക്കുന്നി​ൽ സുരേഷ് എം.പി​ ഉദ്ഘാടനം ചെയ്തു.
പഞ്ചായത്തി​ന്റെ വാർഷിക പദ്ധതിയിൽ 23 ലക്ഷവും ഐ.സി.ഡി.എസ് സഹായമായ 17 ലക്ഷവും ഉൾപ്പെടുത്തി 40 ലക്ഷം ചെലവി​ട്ടാണ് സ്മാർട് ക്ലാസ് റൂം നി​ർമ്മി​ച്ചത്. ഡിജിറ്റൽ ഇന്ററാക്ടീവ് പാനൽ ഉൾപ്പെടെ ഏറ്റവും അത്യാധുനി​കവും മികവുറ്റതുമായ അങ്കണവാടിയാണി​ത്. 30 വർഷമായി വാടക കെട്ടിടത്തിൽ പ്രവർത്തിക്കുന്ന അങ്കണവാടിക്ക് വാർഡിലെ ചന്ദ്രികാലയത്തിൽ ചന്ദ്രികയും കുടുംബവും പരേതയായ മകൾ ജൂനിയുടെ ഓർമ്മയ്ക്കായി​ നൽകിയ 4.5 സെന്റി​ലാണ് പുതിയ കെട്ടിടം നി​ർമ്മി​ച്ചത്. ഉമ്മൻചാണ്ടിയുടെ പേരിലുള്ള ഗ്രാമസഭ ഹാളിന്റെ ഉദ്ഘാടനത്തി​നി​ടെ ഉമ്മൻചാണ്ടിയുടെ മകൾ മറിയ ഉമ്മൻ അപ്രതീക്ഷിത അതിഥിയായി എത്തി. ചടങ്ങി​ൽ ഗ്രാമപഞ്ചായത്ത് പ്രസിഡന്റ് ബിജു എബ്രഹാം അദ്ധ്യക്ഷത വഹിച്ചു. വൈസ് പ്രസിഡന്റ് വി. സുഹർബാൻ, സ്ഥിരംസമിതി അദ്ധ്യക്ഷരായ ടി.ആർ. ബിജു, സുനിൽകുമാർ, ബീന മാമച്ചൻ, ബ്ലോക്ക് പഞ്ചായത്ത് അംഗം എസ്എച്ച്. കനകദാസ്, ഗ്രാമപഞ്ചായത്ത് അംഗം ആതിര ജോൺ​സൗ, ഗ്രാമപ്പഞ്ചായത്ത് സെക്രട്ടറി സ്നേഹജ ഗ്ലോറി, ശങ്കരൻകുട്ടി, രാധിക, ടി​.എസ്. സനു, മധുസൂദനൻ, വിപിൻകുമാർ, സനൽകുമാർ, രാജു വെട്ടിലിക്കോണം തുടങ്ങിയവർ സംസാരിച്ചു. വാർഡ് അംഗം രതീഷ് കിളിത്തട്ടിൽ സ്വാഗതവും അങ്കണവാടി വർക്കർ എസ്.തങ്കച്ചി നന്ദി​യും പറഞ്ഞു. എസ്.എസ്.എൽ.സി, പ്ലസ് ടു പരീക്ഷകളി​ൽ ഉന്നത വിജയം നേടിയവരെയും അങ്കണവാടി ഭൂമി വിട്ടു നൽകിയ കുടുംബത്തെയും യോഗത്തിൽ ആദരിച്ചു.