പോരുവഴി: ഗ്രാമപഞ്ചായത്തിന്റെ അഞ്ചാം വാർഡിൽ 105-ാം നമ്പർ അങ്കണവാടി വാടക കെട്ടിടത്തിലാണ് പ്രവർത്തിക്കുന്നത്. 20 കൊല്ലമായി അങ്കണവാടിയ്ക്ക് മൂന്ന് സെന്റ് വസ്തുവിനായി പഞ്ചായത്തിൽ നിന്ന് ഒരു ലക്ഷം രൂപ വകയിരുത്തിയിരുന്നെങ്കിലും ആ തുകയ്ക്ക് വസ്തു കണ്ടെത്താൻ കഴിയാതിരുന്ന സാഹചര്യത്തിൽ വാർഡ് മെമ്പർ നമ്പൂരേത്ത് തുളസി ധരൻ പിള്ള അദ്ദേഹത്തിന്റെ ഭാര്യ ശ്രീജ എസ്.നായരുടെ പേരിലുള്ള 4 സെന്റ് സ്ഥലം പ്രതിഫലം കൈപ്പറ്റാതെ എഴുതി ആധാരമാക്കി കൈമാറി. പഞ്ചായത്ത് പ്രസിഡന്റ് ബിനു മംഗലത്ത്, പഞ്ചായത്ത് വൈസ് പ്രസിഡന്റ് നസീറ ബീവി, രാജേഷ് വരവിള, പ്രസന്ന, മോഹനൻ പിള്ള, പി.കെ രവി, നിഖിൽ മനോഹർ, രാജേഷ് പുത്തൻപുര, സ്മിത, ശ്രീത സുനിൽ, ബിനു ഐ.നായർ, ഫിലിപ്പ്, അരുൺ ഉത്തമൻ, ശാന്ത, നസിയത്ത്, പ്രിയ സത്യൻ, കുഞ്ഞുമോൾ എന്നിവരുടെ സാന്നിധ്യത്തിൽ പ്രമാണം നമ്പൂരേത്ത് തുളസീധരൻ പിള്ള പഞ്ചായത്ത് സെക്രട്ടറി ബിന്ദുവിന് കൈമാറി. ഒന്നര വർഷത്തിനകം സമാർട്ട് അങ്കണവാടി പ്രവർത്തന യോഗ്യമാക്കാനാണ് തീരുമാനം.