ഇരവിപുരം: തെക്കേവിള പുത്തൻനട എൽ.പി.എസിൽ നിർമ്മിക്കുന്ന ബഹുനില മന്ദിരത്തിന്റെ നിർമ്മാണ ഉദ്ഘാടനവും ശിലാസ്ഥാപനവും എം. നൗഷാദ് എം.എൽ.എ നിർവഹിച്ചു. ഡിവിഷൻ കൗൺസിലർ ടി.പി. അഭിമന്യു അദ്ധ്യക്ഷത വഹിച്ചു. ഹെഡ്മിസ്ട്രസ് എ. സജനി സ്വാഗതം പറഞ്ഞു. കോർപ്പറേഷൻ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർ പേഴ്സൺ സവിതാ ദേവി, കൊല്ലം എ.ഇ.ഒ ആന്റണി പീറ്റർ, എസ്.ഡി.സി അംഗങ്ങളായ സുരേഷ്, ബാഹുലേയൻ, എസ്.എം.സി ചെയർപേഴ്സൻ അമ്പിളി, എ. ഷാജി, മുൻ പഞ്ചായത്ത് പ്രസിഡന്റ് എ. പുഷ്പരാജൻ എന്നിവർ സംസാരിച്ചു. എസ്.ഡി.സി വൈസ് ചെയർമാൻ ബി. യെശ്പാൽ നന്ദി പറഞ്ഞു.