കൊല്ലം: രജത ജൂബിലി ആഘോഷങ്ങളുടെ ഭാഗമായി കൊല്ലം ഓക്സ്‌ഫോർഡ് സ്‌കൂളിൽ നോളേജ് നോക്കൗട്ട് എന്ന പേരിൽ ക്വിസ് മത്സരം സംഘടിപ്പിച്ചു. യു.പി, ഹൈസ്കൂ‌ൾ വിഭാഗങ്ങളിലായി നടത്തിയ മത്സരത്തിൽ 14 സ്കൂളുകൾ പങ്കെടുത്തു. ഫൈനൽ റൗണ്ടിലെത്തിയ​ 5 സ്‌കൂളുകളിൽ നിന്ന് യു.പി വിഭാഗത്തിൽ ഡിസ്ട്രിക്ട് ഇൻസ്റ്റിറ്റ്യൂട്ട് ഒഫ് എഡ്യുക്കേഷൻ ആൻഡ് ട്രെയിനിംഗ്, ആറ്റിങ്ങൽ ഒന്നാം സ്ഥാനം കാരസ്ഥമാക്കി. നാഷണൽ പബ്ലിക് സ്കൂ‌ൾ തഴുത്തല, എൻ.എസ്.എസ് എച്ച്.എസ്.എസ് പ്രാക്കുളം എന്നി​വർ രണ്ടും മൂന്നും സ്ഥാനങ്ങൾ കരസ്ഥമാക്കി. ഹൈസ്‌കൂൾ തലത്തിൽ ജി.എച്ച്.എസ്.എസ് അയ്യൻകോയിക്കൽ, എൻ.എസ്.എസ് എച്ച്.എസ്.എസ് പ്രാക്കുളം, ട്രിനിറ്റി ലൈസിയം എന്നി​വർ ആദ്യ മൂന്നു സ്ഥാനങ്ങൾ കരസ്ഥമാക്കി​. കൊല്ലം ടി.കെ.എം കോളേജ് ഇംഗ്ലീഷ് വിഭാഗം റിട്ട. പ്രൊഫ. ഷിബു ജോസ്, അഡ്വ. ശംഭു പാർത്ഥസാരഥി​, എൻജി​നീയർ ശ്യാം ബാബു എന്നിവർ ക്വിസ് നി​യന്ത്രി​ച്ചു.