ചാത്തന്നൂർ: കുറ്റുക്കാടുകളും പാഴ്‌വസ്തുക്കളും മാലിന്യങ്ങളും നിറഞ്ഞതി​നാൽ ചാത്തന്നൂർ പൊലീസ് സ്റ്റേഷൻ റോഡി​ലും പരി​സരത്തും നടക്കാൻ പോലുമാകാത്ത അവസ്ഥ.

പൊലീസ് സ്റ്റേഷൻ വളപ്പി​ലെ വലിയ മരം അടുത്തി​ടെ കടപുഴകി ചാത്തന്നൂർ കട്ടച്ചൽ റോഡിലേക്ക് വീണ് ഗതാഗത തടസപ്പെട്ടി​രുന്നു. മുറിച്ചു മാറ്റിയെങ്കിലും ചില്ലകളും മരക്കഷ്ണങ്ങളും റോഡരികിൽ തന്നെ ഉപേക്ഷിച്ചിരിക്കുകയാണ്. പൊലീസ് സ്റ്റേഷൻ- വലിയപള്ളി റോഡിന്റെ ഇരുവശവും കാടുകയറി കിടക്കുന്നതിനാൽ വാഹനങ്ങൾ വരുമ്പോൾ ഒഴിഞ്ഞു മാറാൻ ഇടമില്ലാതെ വഴിയാത്രക്കാർ വിഷമിക്കുകയാണ്.

റോഡും പരിസരവും മാലിന്യങ്ങൾ നിറഞ്ഞും കാട് കയറി കിടക്കുന്നതു കാട്ടി​ പല പരാതികളും അധികൃതർക്ക് നൽകിയെങ്കിലും ഇതുവരെ ഒരു നടപടിയും സ്വീകരിച്ചിട്ടില്ല

സിറ്റിസൺസ് ഫോറം പ്രസിഡന്റ്‌ ജി. ദിവാകരൻ