ചവറ:കേരളത്തിലെ പൊതുഗതാഗത സംവിധാനത്തിൽ അടിസ്ഥാന പരമായ മാറ്റം സൃഷ്ടിക്കുന്നതിന് തയ്യാറാക്കിയ കർമ്മ പദ്ധതി ചവറ നിയോജകമണ്ഡലത്തിൽ നടപ്പാക്കുന്നതിനെ കുറിച്ച് ചർച്ചചെയ്യുവാൻ ചവറ ബ്ലോക്ക് പഞ്ചായത്തിൽയോഗം ചേർന്നു. യോഗത്തിൽ ചവറ ബ്ലോക്ക് പഞ്ചായത്ത് പ്രസിഡന്റ് സന്തോഷ് തുപ്പാശ്ശേരി അദ്ധ്യക്ഷനായി. ഡോ.സുജിത് വിജയൻപിള്ള എം.എൽ.എ യോഗം ഉദ്ഘാടനം ചെയ്തു. ജില്ലാപഞ്ചായത്ത് അംഗങ്ങളായ അഡ്വ.സി.പി.സുധീഷ്‌കുമാർ, എസ്.സോമൻ ,ഗ്രാമപഞ്ചായത്ത് പ്രസിഡന്റുമാരായ ജയചിത്ര, അഡ്വ. സുരേഷ്‌കുമാർ, സിന്ധു, തങ്കച്ചിപ്രഭാകരൻ, ബ്ലോക്ക് പഞ്ചായത്ത് അംഗങ്ങൾ, ഗ്രാമപഞ്ചായത്ത് അംഗങ്ങൾ, മറ്റ് സംഘടന പ്രതിനിധികൾ എന്നിവരും പങ്കെടുത്തു.

• നിലവിൽ ബസ് യാത്ര സൗകര്യങ്ങളില്ലാത്തതും യാത്രാക്ലേശം അനുഭവിക്കുന്നതുമായ ഗ്രാമ പ്രദേശങ്ങളിൽ സ്വകാര്യബസ് സർവീസുകൾ (30 പേർക്ക് യാത്ര ചെയ്യാവുന്നതിനുള്ള ബസ്സുകൾ ഉൾപ്പടെ) അനുവദിക്കുന്നതിനുള്ള രൂപ രേഖ തയ്യാറാക്കുന്നതാണ് ഒന്നാംഘട്ടം.
• മണ്ഡലത്തിനുള്ളിലും ഗ്രാമപഞ്ചായത്തുകളുടെ പ്രധാന റോഡുകൾക്കുമാണ് പ്രാധാന്യം നൽകുന്നത്.
• ദീർഘദൂര സർവീസുകളാകരുത്.
• ഗ്രാമപഞ്ചായത്തുകൾ കൂടിയാലോചിച്ച് യാത്രാറൂട്ടും സമയക്രമവും തയ്യാറാക്കി 31 നകം എം.എൽ.എ ഓഫീസിൽ ഏൽപ്പിക്കും.
• പൊതുജനങ്ങൾക്കും സംഘടനകൾക്കും പ്രത്യേകം പ്രൊപ്പോസൽ നൽകാം.

ഡോ. സുജിത് വിജയൻപിള്ള എം.എൽ.എ, തട്ടാശ്ശേരി വൈ.എം.എ ബിൽഡിംഗ് ചവറ പി.ഒ എന്ന വിലാസത്തിലോ drsujithvijayanpillai@gmail.com എന്ന ഈ മെയിലിലോ പ്രപ്പോസൽ വ്യക്തമായ റൂട്ടും സമയക്രമവും സഹിതം അയച്ച് നൽകാം.