പു​ന​ലൂർ: കേ​ര​ള​ ത​മി​ഴ്‌​നാ​ട് അ​തിർ​ത്തി​യായ ആ​ര്യ​ങ്കാ​വിൽ ഫു​ഡ് സേ​ഫ്റ്റി ചെ​ക്ക് പോ​സ്റ്റ് സ്ഥാ​പി​ച്ച് ര​ണ്ട് വർ​ഷ​മാ​യി​ട്ടും തു​റ​ന്ന് പ്ര​വർ​ത്തി​ക്കാൻ ന​ട​പ​ടി​യില്ല. ര​ണ്ട് വർ​ഷം മുൻ​പ് ബോർ​ഡ് സ്ഥാ​പി​ച്ച ഓ​ഫീ​സ് കാ​ട് ക​യ​റി ന​ശിച്ചു. ജി.എ​സ്.ടി വ​ന്ന​തോ​ടെ അ​നാ​ഥ​മാ​യ പ​ഴ​യ സെ​യിൽ ടാ​ക്‌​സ് ചെ​ക്ക് പോ​സ്റ്റ് ഓ​ഫീ​സ് ഫു​ഡ് സേ​ഫ്റ്റി ഓ​ഫീ​സി​നാ​യി വി​ട്ടു നൽ​കുകയായിരുന്നു. സം​സ്ഥാ​ന അ​തിർ​ത്തി​യിൽ കാ​ര്യ​ക്ഷ​മ​മാ​യി പ്ര​വർ​ത്തി​ക്കേ​ണ്ട ഓ​ഫീ​സി​നാ​ണ് ഈ ദുർ​ഗ​തി.

• സ്ഥാ​പി​ച്ച് ര​ണ്ട് വർ​ഷ​മാ​യി​ട്ടും തു​റ​ന്ന് പ്ര​വർ​ത്തി​ക്കാൻ ന​ട​പ​ടി​യില്ല
• ഓ​ഫീ​സി​ന് മുൻ​വ​ശം കാ​ടു​ക​യ​റി ഇ​ഴ​ജ​ന്തു​ക്ക​ളു​ടെ താ​വ​ള​മാ​യി.
• ഇപ്പോൾ വ്യാ​പാ​ര സ്ഥാ​പ​ന​ങ്ങ​ളി​ലെ മാ​ലി​ന്യ നി​ക്ഷേ​പ കേ​ന്ദ്ര​മാ​യി മാ​റി​
• സ​ന്ധ്യ മ​യ​ങ്ങു​ന്ന​തോ​ടെ സാ​മൂ​ഹ്യ വി​രു​ദ്ധ​രു​ടെ താ​വ​ളം
• തെ​ന്മ​ല പൊ​ലീ​സ് സ്റ്റേ​ഷൻ പ​രി​ധി​യി​ലാ​ണ് ഇ​വി​ട​മെ​ങ്കി​ലും പൊലീ​സ് ഇ​വി​ടേ​ക്ക് തി​രി​ഞ്ഞ് നോ​ക്കാ​റില്ല

ബോർ​ഡ് മാ​ത്രം ബാക്കി

അ​ന്യ​സം​സ്ഥാ​ന​ങ്ങ​ളിൽ നി​ന്ന് വ​രു​ന്ന മീൻ, പ​ച്ച​ക്ക​റി, പ​ല​വ്യ​ഞ്​ജ​ന​ങ്ങൾ അ​ട​ക്കം സാ​മ്പിൾ പ​രി​ശോ​ധി​ച്ച് ഭ​ക്ഷ്യ സു​ര​ക്ഷ ഉ​റ​പ്പാ​ക്കേ​ണ്ട ഓ​ഫീ​സാണിത്. വി​ഷ​മ​യം ചേർ​ത്ത ലോ​ഡ് ക​ണ​ക്കി​ന് മ​ത്സ്യ​വും വ്യാ​ജ ക​മ്പ​നി​ക​ളു​ടെ പേ​രിൽ നി​രോ​ധി​ത ഭ​ക്ഷ്യ എ​ണ്ണ​യും ച​ത്ത കോ​ഴി​ക​ളുമ​ട​ക്കം ദി​നം​പ്ര​തി കേ​ര​ള​ത്തി​ലേ​ക്ക് എ​ത്തി​ക്കു​മ്പോ​ഴാ​ണ് അ​തിർ​ത്തി​യിൽ പ്ര​വർ​ത്തി​ക്കേ​ണ്ട ഓ​ഫീ​സ് ബോർ​ഡ് മാ​ത്രം സ്ഥാ​പി​ച്ച് അ​ട​ച്ച് പൂ​ട്ടി​യ നി​ല​യിൽ കി​ട​ക്കു​ന്ന​ത്.