കൊല്ലം: ജോലിക്കിടെ മണക്കാട് മുത്തുമാരിയമ്മൻ ക്ഷേത്ര പൂജാരിയെ അറസ്റ്റ് ചെയ്ത പൊലീസ് നടപടിയിൽ തന്ത്രി മണ്ഡലം സംസ്ഥാന നേതൃയോഗം പ്രതിഷേധിച്ചു. വിഷയത്തിൽ ക്ഷേത്ര ട്രസ്റ്റും പൂജാരിയും സ്വീകരിക്കുന്ന നിയമനടപടികൾക്ക് പൂർണ പിന്തുണ നൽകാനും യോഗം തീരുമാനിച്ചു.

യോഗത്തിൽ പ്രസിഡന്റ് നീലമന വി.ആർ.നമ്പൂതിരി, വൈസ് പ്രസിഡന്റ് വാഴയിൽ മഠം എസ്.വിഷ്ണു നമ്പൂതിരി, ജനറൽ സെക്രട്ടറി ക്ടാക്കോട്ടില്ലം രാധാകൃഷ്ണൻ പോറ്റി, ജോ. സെക്രട്ടറി കുടൽമന വിഷ്ണു നമ്പൂതിരി, ട്രഷറർ പാൽക്കുളങ്ങര ഗണപതി പോറ്റി, ക്ഷേത്രം തന്ത്രി മരങ്ങാട്ടില്ലം സുബ്രഹ്മണ്യൻ നമ്പൂതിരി എന്നിവർ സംസാരിച്ചു.