പടിഞ്ഞാറെകല്ലട: കണ്ണങ്കാട്ട് കടവ് പാലം നി‌ർമ്മിക്കുന്നതിനാവശ്യമായ ഭൂമി ഏറ്റെടുക്കൽ നടപടി അന്തിമഘട്ടത്തിൽ. പടിഞ്ഞാറേക്കല്ലട , മൺറോത്തുരുത്ത് പഞ്ചായത്തുകളെ തമ്മിൽ ബന്ധിപ്പിക്കാൻ കലടയാറിന് കുറുകെ കല്ലട റെയിൽവേ പാലത്തിന് സമാന്തരമായിയാണ് പാലം വരുന്നത്. പാലം നിർമ്മാണവുമായി ബന്ധപ്പെട്ട് കോവൂർ കുഞ്ഞുമോൻ എം.എൽ.എയുടെ സാന്നിദ്ധ്യത്തിൽ, ജില്ലാ കളക്ടർ എൻ.ദേവിദാസ് ഐ.എ.എസിന്റെ അദ്ധ്യക്ഷതയിൽ കളക്ടറുടെ ചേംബറിൽ ചേർന്ന യോഗത്തിലാണ് നടപടി അതിവേഗത്തിലാക്കാൻ തീരുമാനമായത്.

• 2017ൽ ഭരണാനുമതി ലഭിച്ച പാലം നി‌ർമ്മാണം നീണ്ടുപോയി
• പാലത്തിന് 24. 2 1 കോടി രൂപ
• 2024 ജനുവരിയിൽ 4.33കോടി രൂപ നിർവഹണ ഏജൻസി ഭൂ ഉടമകൾക്ക് നൽകുന്നതിലേക്ക് കിഫ് ബി വിഭാഗം തഹസീൽദാർക്ക് കൈമാറി
• ആഗസ്റ്റ് 12ന് മൺട്രോത്തുരുത്ത് ഗ്രാമപഞ്ചായത്ത് കോൺഫറൻസ് ഹാളിൽ വെച്ച് അദാലത്ത്
• രേഖകൾ ഹാജരാക്കുന്നതിന് നിയമാനുസൃതം അനുവദിച്ചിട്ടുള്ള സമയ പരിധി അവസാനിച്ച സാഹചര്യത്തിൽ ഇതുവരെ ഒരു രേഖയും ഹാജരാക്കാത്തവർക്കും ഭാഗീകമായി മാത്രം രേഖകൾ ഹാജരാക്കിയവർക്കും ഒരവസരം കൂടി നൽകും.
• രേഖകൾ ഒന്നും നാളിതുവരെ ഹാജരാക്കാത്ത 9 പേർക്കും 4 ആർ.ആർ കക്ഷികൾക്കും രാവിലെ 11മുതൽ ഉച്ചക്ക് 1 വരെ രേഖകൾ ഹാജരാക്കാം.
• ഭാഗീകമായി മാത്രം രേഖകൾ ഹാജരാക്കിയ 15 പേർക്ക് ഉച്ചക്ക് ശേഷം 2 മുതൽ 4 വരെ സമയം അനുവദിച്ചിട്ടുണ്ട്.

സമയം അനുവദിച്ചിട്ടും രേഖകൾ ഹാജരാക്കാത്തവരുടെ അവാർഡുകൾ എൽ.എ.ആർ ആൻഡ് ആർ അതോറിട്ടിയായ സെക്കൻഡ് അഡിഷണൽ ഡിസ്ട്രിക്ട് ആൻഡ് സെഷൻസ് കോടതിയിൽ കെട്ടിവച്ച് ഭൂമി ഏറ്റെടുക്കൽ നടപടി പൂർത്തീകരിക്കും.

ദ്വിതീപ് കുമാർ, തഹസീദാർ

കിഎഫ്ബി കൊല്ലം എൽ.എ വിഭാഗം