കൊല്ലം: വയനാട് ദുരന്തത്തിൽപ്പെട്ടവർക്ക് ആദരാഞ്ജലികൾ അർപ്പിച്ച് യൂനുസ് കോളേജ് ഓഫ് എൻജിനീയറിംഗിലെ വിദ്യാർത്ഥികൾ. ഇന്നലെ രാവിലെ കോളേജ് അങ്കണത്തിൽ വിദ്യാത്ഥികളും അദ്ധ്യാപകരും മാനേജ്മെന്റും മെഴുകുതിരികൾ കത്തിച്ച് മൗനപ്രാർത്ഥന നടത്തി. കോളേജ് വൈസ് ചെയർമാൻ നൗഷാദ് യൂനുസ്, പ്രിൻസിപ്പൽ ഡോ. ആർ.എൽ. രാഗ്, വിവിധ വകുപ്പ് മേധാവികളായ പ്രൊഫ. രാജീവ്, ഡോ.കാഞ്ചന, പ്രൊഫ. പി.പി. മായ, പ്രൊഫ. രാജി, പ്രൊഫ.ഷീല, പ്ലേസ്‌മെന്റ് ഓഫീസർ മുകേഷ്, കോളേജ് അദ്ധ്യാപകർ, വിദ്യാർത്ഥികൾ എന്നിവർ മെഴുകുതിരി കത്തിച്ച് അനുസ്മരിച്ചു. ദുരന്തമേഖലയിൽ എൻജിനീയറിംഗ് വിഭാഗത്തിലെ എല്ലാ സഹായവും യൂനുസ് കോളേജ് വാഗ്ദാനം ചെയ്തു.