തൃശൂർ: ഡോ. ജോൺ മത്തായി സെന്റർ ഇക്കണോമിക്‌സ് വിഭാഗത്തിന്റെ പുതിയ അക്കാഡമിക് ബ്ലോക്കിന്റെ തറക്കല്ലിടൽ ഉന്നത വിദ്യാഭ്യാസ മന്ത്രി ഡോ. ആർ. ബിന്ദു നിർവഹിച്ചു. ഉന്നത വിദ്യാഭ്യാസരംഗത്തെ അടിസ്ഥാനസൗകര്യ വികസനത്തിനും അക്കാഡമിക മികവിനും സർക്കാർ 6,000 കോടി രൂപ വിനിയോഗിച്ചതായി മന്ത്രി പറഞ്ഞു. 7,636 ചതുരശ്ര മീറ്റർ വിസ്തൃതിയിൽ നാലു നിലകളിലായാണ് കെട്ടിടം നിർമ്മിക്കുക. 41 കോടി രൂപയാണ് ചെലവ്. അരണാട്ടുകര ഡോ. ജോൺ മത്തായി സെന്ററിൽ നടന്ന പരിപാടിയിൽ വി.സി ഡോ. എം.കെ. ജയരാജ് അദ്ധ്യക്ഷനായി. രജിസ്ട്രാർ ഡോ. ഇ.കെ. സതീഷ്, പ്രോ വി.സി. ഡോ. എം. നാസർ, ജയൻ പാടശ്ശേരി തുടങ്ങിയവർ പങ്കെടുത്തു.