മാള: മാള കേബിൾ വിഷന്റെ ഒൻപതാം വിദ്യാഭ്യാസ പുരസ്‌കാര വിതരണം സമാദരണം 13ന് മാള പാറേക്കാട്ട് കൺവെൻഷൻ സെന്ററിൽ ബെന്നി ബഹനാൻ എം.പി നിർവഹിക്കും. വി.ആർ. സുനിൽകുമാർ എം.എൽ.എ അദ്ധ്യക്ഷനാകും. കളക്ടർ കൃഷ്ണതേജ, ഏഷ്യാനെറ്റ് സീനിയർ അസോസിയേറ്റ് എഡിറ്റർ അഭിലാഷ് ജി. നായർ എന്നിവർ മുഖ്യാതിഥികളാകും.

മാള കേബിൾ വിഷൻ വരിക്കാരുടെ മക്കളിൽ എസ്.എസ്.എൽ.സി, പ്ലസ് ടു പരീക്ഷകളിൽ എല്ലാ വിഷയങ്ങളിലും എ പ്ലസ് നേടിയ വിദ്യാർത്ഥികൾക്കുള്ള പുരസ്‌കാര വിതരണം നടത്തും. 100 ശതമാനം വിജയം നേടിയ സ്‌കൂളുകളെ ആദരിക്കും.

ഡോ. വർഗീസ് കടിച്ചീനി, കുഞ്ഞിമോനും കുഞ്ഞിമക്കളും യുട്യൂബ് വ്‌ളോഗർ ജിജോ ജോർജ് ആൻഡ് ഫാമിലി, മീഡിയ ടൈം സീനിയർ കാമറാമാൻ എം.എസ്. ടോജോ എന്നിവർക്കുള്ള പ്രതിഭാ പുരസ്‌കാര വിതരണം എന്നിവ നടക്കുമെന്ന് പത്ര സമ്മേളനത്തിൽ മാള കേബിൾ വിഷൻ എം.ഡി: ജീജോ ജോസഫ്, പാർട്ണർമാരായ പി. ഗിരീശൻ, പി.എം. സുമേഷ് എന്നിവർ അറിയിച്ചു.