തൃശൂർ : കുട്ടികളുടെ മാമൻ എന്ന് പ്രസിദ്ധനായ യുവ ഐ.എ.എസ് ഉദ്യോഗസ്ഥനും തൃശൂർ കളക്ടറുമായ വി.ആർ.കൃഷ്ണതേജ ഇനി ആന്ധ്ര ഉപമുഖ്യമന്ത്രി പവൻകല്യാണിന്റെ ഓഫീസർ ഓൺ സ്‌പെഷ്യൽ ഡ്യൂട്ടി. മൂന്ന് വർഷത്തെ ഡെപ്യൂട്ടേഷനിൽ കൃഷ്ണതേജയെ ആന്ധ്ര കേഡറിലേക്ക് മാറ്റി കേന്ദ്രം ഉത്തരവിറക്കി.

ആന്ധ്രയിലെ ഗുണ്ടൂർ സ്വദേശിയായ കൃഷ്ണതേജ 2015 ഐ.എ.എസ് ബാച്ചാണ്. പ്രളയത്തിലും കൊവിഡിലും തേജയുടെ സ്തുത്യർഹ സേവനങ്ങൾ കണക്കിലെടുത്ത് പവൻ കല്യാണിന്റെ ഓഫീസ് അദ്ദേഹത്തെ ആവശ്യപ്പെടുകയായിരുന്നു. പവൻ കല്യാണിന് ഗ്രാമവികസനം, പഞ്ചായത്തീരാജ് വകുപ്പുകളുടെ ചുമതലയാണ്.

ദേശീയപാത, കൂർക്കഞ്ചേരി - കൊടുങ്ങല്ലൂർ പാത, തൃശൂർ-കുറ്റിപ്പുറം പാത നിർമ്മാണത്തിലെ പ്രതിസന്ധി മാറ്റാൻ ഇടപെട്ട തേജ, തൃശൂർ പൂരം നടത്തിപ്പിലും മികവ് പ്രകടിപ്പിച്ചിരുന്നു. ആലപ്പുഴയിൽ സബ് കളക്ടറായിരിക്കെ പ്രളയകാലത്ത് ''ഐ ആം ഫോർ ആലപ്പി'' കൂട്ടായ്മ രൂപീകരിച്ച് കുട്ടനാടൻ ജനതയ്ക്കായും പ്രവർത്തിച്ചു.

അടുത്ത മന്ത്രിസഭായോഗം പുതിയ തൃശൂർ കളക്ടറെ പ്രഖ്യാപിച്ചേക്കും. തുടർന്ന് ചുമതല കൈമാറി തേജ മടങ്ങും.

മറക്കില്ലൊരിക്കലും കുട്ടികൾ

കൊവിഡിൽ മാതാപിതാക്കൾ നഷ്ടപ്പെട്ട കുട്ടികളുടെ പഠന സഹായത്തിന് സ്‌പോൺസർമാരെ കണ്ടെത്തുന്ന തേജയുടെ പദ്ധതി ശ്രദ്ധേയമായി. ആലപ്പുഴയിൽ മൂന്നൂറും തൃശൂരിൽ അറുന്നൂറും പേർക്കാണ് സഹായമെത്തിച്ചത്. ആലപ്പുഴയിലെ ഒരു വിദ്യാർത്ഥിനിക്ക് സൂപ്പർതാരം അല്ലു അർജ്ജുൻ വഴി നാല് വർഷത്തെ പഠനച്ചെലവാണ് എത്തിച്ചത്. നിരവധി പേർക്ക് ചികിത്സാസഹായവും നൽകി.

കുട്ടികളുടെ മാമൻ

ആലപ്പുഴ കളക്ടറായിരിക്കെയാണ് കുട്ടികളുടെ മാമൻ എന്ന പേര് വീണത്. കേരളകൗമുദിയിലെ ഒരു വാർത്തയിലാണ് ' കുട്ടികളുടെ മാമൻ' എന്ന തലക്കെട്ട് നൽകിയത്. ഇത് വൈറലായി. പരിപാടികളിൽ തന്റെ വിദ്യാഭ്യാസവും ദുരിതവുമെല്ലാം വിശദീകരിച്ചതും സോഷ്യൽ മീഡിയ ഏറ്റെടുത്തിരുന്നു.

ചുരുങ്ങിയ കാലമേ കേരളത്തിൽ പ്രവർത്തിച്ചുള്ളൂവെങ്കിലും സംതൃപ്തിയോടെയാണ് വിട പറയുന്നത്.

വി.ആർ.കൃഷ്ണ തേജ.

കീം​ ​പ​രീ​ക്ഷ​ ​:​സ്റ്റേ​റ്റ് ​സി​ല​ബ​സ്
കു​ട്ടി​ക​ൾ​ ​പി​ന്നി​ലാ​യെ​ന്ന്

തി​രു​വ​ന​ന്ത​പു​രം​:​ ​കീം​ ​പ​രീ​ക്ഷ​യി​ൽ​ ​സ്റ്റേ​റ്റ് ​സി​ല​ബ​സ് ​പ​ഠി​ച്ച​ ​കു​ട്ടി​ക​ൾ​ ​പി​ന്നാ​ക്കം​ ​പോ​യ​താ​യി​ ​ആ​ക്ഷേ​പം.​ ​പ്ല​സ്ടു​ ​ബോ​ർ​ഡ് ​പ​രീ​ക്ഷ​യു​ടെ​ ​മാ​ർ​ക്ക് ​ക്ര​മീ​ക​രി​ച്ച​തി​ലെ​ ​(​സ്റ്റാ​ൻ​ഡേ​ർ​ഡൈ​സേ​ഷ​ൻ​)​ ​അ​പാ​ക​ത​യാ​ണ് ​കാ​ര​ണം.
സ്റ്റേ​റ്റ്,​ ​സി.​ബി.​എ​സ്.​ഇ,​ ​ഐ.​സി.​എ​സ്.​സി​ ​പ​രീ​ക്ഷ​ക​ളു​ടെ​ ​നി​ല​വാ​രം​ ​വ്യ​ത്യാ​സ​മു​ള്ള​തി​നാ​ലാ​ണ് ​മാ​ർ​ക്ക് ​ക്ര​മീ​ക​ര​ണം.​ ​ക്ര​മീ​ക​ര​ണ​ത്തി​ൽ​ ​സ്റ്റേ​റ്റ് ​സി​ല​ബ​സ് ​കു​ട്ടി​ക​ളു​ടെ​ 27​ ​മാ​ർ​ക്ക് ​വ​രെ​ ​കു​റ​ഞ്ഞ​താ​യി​ ​അ​ദ്ധ്യാ​പ​ക​രും​ ​പ​റ​യു​ന്നു.
മൊ​ത്തം​ 600​ ​മാ​ർ​ക്കി​ലാ​ണ് ​എ​ൻ​ട്ര​ൻ​സ് ​റാ​ങ്ക് ​നി​ശ്ച​യി​ക്കു​ന്ന​ത് ​-​ ​എ​ൻ​ട്ര​ൻ​സി​നും​ ​പ്ല​സ്ടു​വി​നും​ 300​ ​വീ​തം.​ ​സ്റ്റേ​റ്റ് ​സി​ല​ബ​സി​ൽ​ ​ഫി​സി​ക്സ്,​ ​കെ​മി​സ്ട്രി,​ ​മാ​ത്ത​മാ​റ്റി​ക്സ് ​വി​ഷ​യ​ങ്ങ​ൾ​ക്ക് ​ഫു​ൾ​ ​മാ​ർ​ക്ക് ​വാ​ങ്ങി​യ​ ​കു​ട്ടി​ക്ക് ​കി​ട്ടാ​വു​ന്ന​ ​പ​ര​മാ​വ​ധി​ ​കീം​ ​വെ​യ്റ്റേ​ജ് ​മാ​ർ​ക്ക് 300​ ​ആ​ണ്.​ ​ഈ​ ​മാ​ർ​ക്ക് 273.7​ ​ആ​യി​ ​വെ​ട്ടി​ക്കു​റ​ച്ച​താ​യി​ ​അ​ദ്ധ്യാ​പ​ക​ർ​ ​പ​റ​യു​ന്നു.​ ​സി.​ബി.​എ​സ്.​ഇ​ ​കു​ട്ടി​ക​ൾ​ക്ക് ​എ​ട്ടു​ ​മാ​ർ​ക്ക് ​കൂ​ട്ടി​യ​താ​യും​ ​സൂ​ച​ന​യു​ണ്ട്.​ ​ഇ​ത് ​ര​ണ്ടും​ ​ചേ​ർ​ത്താ​ൽ​ 35​ ​മാ​ർ​ക്കി​ന്റെ​ ​വ്യ​ത്യാ​സ​മു​ണ്ട്.​ ​ഈ​ ​വ്യ​ത്യാ​സം​ ​കാ​ര​ണം​ ​റാ​ങ്ക് 5000​ ​വ​രെ​ ​താ​ഴോ​ട്ട് ​പോ​കാം.​ ​ഇ​ഷ്ട​പ്പെ​ട്ട​ ​കോ​ളേ​ജി​ൽ​ ​ന​ല്ല​ ​കോ​ഴ്സു​ക​ൾ​ ​തി​ര​ഞ്ഞെ​ടു​ക്കാ​നു​ള്ള​ ​അ​വ​കാ​ശം​ ​ഇ​തോ​ടെ​ ​നി​ഷേ​ധി​ക്ക​പ്പെ​ടു​മെ​ന്നും​ ​വി​ദ്യാ​ർ​ത്ഥി​ക​ൾ​ ​പ​റ​യു​ന്നു.