തൃപ്രയാർ: നാട്ടിക ഇയ്യാനി ഭഗവതി ക്ഷേത്രത്തിൽ കർക്കടക മണ്ഡലാചരണത്തിന്റെ ഭാഗമായി അഷ്ടദ്രവ്യ മഹാഗണപതി ഹവനം നടന്നു. രാവിലെ നിർമ്മാല്യ ദർശനം, അഷ്ടദ്രവ്യ മഹാഗണപതിഹവനം, വിശേഷാൽ പൂജകൾ, പ്രസാദ വിതരണം എന്നിവ നടന്നു. ക്ഷേത്രം മേൽശാന്തി എൻ.എസ്. ജോഷി മുഖ്യകാർമ്മികനായി. ക്ഷേത്രം പ്രസിഡന്റ് ഇയ്യാനി കോറോത്ത് സുരേഷ്, സെക്രട്ടറി സുരേഷ് ഇയ്യാനി, ട്രഷറർ ഇ.എൻ.ടി. സ്‌നിതീഷ്, വൈസ് പ്രസിഡന്റ് രാജു ഇയ്യാനി, ജോയിന്റ് സെക്രട്ടറി പ്രദീപ് കുമാർ എന്നിവർ ചടങ്ങുകൾക്ക് നേതൃത്വം നൽകി.