വലപ്പാട്: മണപ്പുറം ഫൗണ്ടേഷന്റെ സാമൂഹിക പ്രതിബദ്ധതാ പ്രവർത്തനങ്ങളുടെ ഭാഗമായി ജില്ലയിലെ നിർദ്ധനരായ നാൽപ്പതോളം രോഗികൾക്ക് രണ്ടര ലക്ഷം രൂപയുടെ ചികിത്സാ ധനസഹായം നൽകി. സരോജിനി പദ്മനാഭൻ സ്മാരക ഓഡിറ്റോറിയത്തിൽ നടന്ന ചടങ്ങ് ഫിനാൻസ് എക്‌സിക്യൂട്ടീവ് ഡയറക്ടർ സുമിത നന്ദൻ ഉദ്ഘാടനം ചെയ്തു. മണപ്പുറം ഫൗണ്ടേഷൻ മാനേജിംഗ് ട്രസ്റ്റി വി.പി. നന്ദകുമാർ അദ്ധ്യക്ഷനായി. ആശുപത്രികളിലും വിവിധ ആരോഗ്യ കേന്ദ്രങ്ങളിലും ഉൾപ്പടെ ആരോഗ്യ മേഖലയിൽ നിരവധി സന്നദ്ധ പ്രവർത്തനങ്ങളാണ് മണപ്പുറം ഫൗണ്ടേഷൻ നടപ്പാക്കുന്നത്. ചടങ്ങിൽ മണപ്പുറം ഫൗണ്ടേഷൻ സി.ഇ.ഒ: ജോർജ് ഡി. ദാസ്, ജനറൽ മാനേജർ ജോർജ് മൊറേലി എന്നിവർ പങ്കെടുത്തു.