തൃശൂർ: തിരുവനന്തപുരം കൈത്തറിവസ്ത്ര ഡയറക്ടറേറ്റിന്റെയും ജില്ലാ വ്യവസായ കേന്ദ്രത്തിന്റെയും ആഭിമുഖ്യത്തിൽ കൈത്തറി തൊഴിലാളികൾക്കുള്ള ആരോഗ്യ പരിശോധനാ ക്യാമ്പിന്റെ ജില്ലാതല ഉദ്ഘാടനവും ആരോഗ്യ പരിശോധനയും ചേർപ്പ് കൈത്തറി സംഘത്തിൽ സംഘടിപ്പിച്ചു. ജില്ലാ പഞ്ചായത്ത് പ്രസിഡന്റ് വി.എസ്. പ്രിൻസ് ഉദ്ഘാടനം ചെയ്തു. പഞ്ചായത്ത് പ്രസിഡന്റ് സുജിഷ കള്ളിയത്ത് അദ്ധ്യക്ഷയായി. ജില്ലാ വ്യവസായ കേന്ദ്രം മാനേജർ ലിനോ ജോർജ് മുഖ്യ പ്രഭാഷണം നടത്തി. ജില്ലാ വ്യവസായ കേന്ദ്രം ഡെപ്യൂട്ടി രജിസ്ട്രാർ ഇ.പി. ഹരീഷ്, വി.ജി. വനജകുമാരി, ചേർപ്പ് കൈത്തറി സംഘം പ്രസിഡന്റ് യു.മായ തുടങ്ങിയവർ പ്രസംഗിച്ചു. നെയ്ത്തു തൊഴിലാളികൾക്ക് ആരോഗ്യ പരിശോധനയുമുണ്ടായിരുന്നു.