മാള: ഭൂരിപക്ഷ ജനവിഭാഗങ്ങൾക്കിടയിൽ തീവ്രവർഗീയതയുടെ വിത്തുകൾ പാകി നരേന്ദ്ര മോദി രാഷ്ട്രത്തെ മതാന്ധതയിലേക്ക് നയിക്കുകയാണെന്ന് യൂത്ത് കോൺഗ്രസ് സംസ്ഥാന പ്രസിഡന്റ് രാഹുൽ മാങ്കൂട്ടത്തിൽ പറഞ്ഞു . നവ ഇന്ത്യക്ക് യുവശക്തി എന്ന മുദ്രാവാക്യവുമായി യൂത്ത് കോൺഗ്രസ് സംസ്ഥാന കമ്മിറ്റിയുടെ നേതൃത്വത്തിൽ നടത്തുന്ന യംഗ് ഇന്ത്യ ലീഡേഴ്‌സ് മീററിന്റെ ഭാഗമായി കൊടുങ്ങല്ലൂർ മണ്ഡലം കമ്മിറ്റി സംഘടിപ്പിച്ച നേതൃസംഗമത്തിൽ സംസാരിക്കുകയായിരുന്നു അദ്ദേഹം. സംഗമം കെ.പി.സി.സി ജനറൽ സെക്രട്ടറി ടി.യു.രാധാകൃഷ്ണൻ ഉദ്ഘാടനം ചെയ്തു. ബെന്നി ബെഹനാൻ മുഖ്യപ്രഭാഷണം നടത്തി. മണ്ഡലം പ്രസിഡന്റ് ഹക്കീം ഇക്ബാൽ അദ്ധ്യക്ഷനായി. സംസ്ഥാന വൈസ് പ്രസിഡന്റുമാരായ അഡ്വ.ഒ.ജെ.ജനീഷ്, അഡ്വ.അബിൻ വർക്കി, പി.എസ്.അനുതാജ്, ജില്ലാ പ്രസിഡന്റ് ഹരീഷ് മോഹൻ, ജോമോൻ ജോസ്, വി.പി.അബ്ദുൾ റഷീദ്, സി.പ്രമോദ്, ശ്രീലാൽ ശ്രീധർ എന്നിവർ പ്രസംഗിച്ചു .