കൊടകര: ദുരന്തഭൂമിയിലേക്ക് കൈത്താങ്ങുമായി കൊടകര കെ.വി.യു.പി സ്‌കൂൾ. സ്‌കൂളിലെ ജീവനക്കാർ, നാട്ടുകാർ, മാനേജ്‌മെന്റ്, പി.ടി.എ, എസ്.എസ്.ജി, പൂർവ വിദ്യാർത്ഥികൾ എന്നിവരുടെ സഹായത്തോടെ ഭക്ഷണസാധനങ്ങൾ, വസ്ത്രങ്ങൾ, നാപ്കിൻ, എന്നിവ ശേഖരിച്ച് കളക്ടറേറ്റിലേക്ക് എത്തിച്ചു. കൊടകര പഞ്ചായത്ത് പ്രസിഡന്റ് അമ്പിളി സോമൻ വണ്ടി ഫ്ലാഗ് ഓഫ് ചെയ്തു. പ്രധാനാദ്ധ്യാപിക പി.എസ്. സീമ, മാനേജർ ബി. സദാനന്ദൻ ട്രസ്റ്റ് പ്രസിഡന്റ് ദിനേശ് പരമേശ്വർ, എസ്.എസ്.ജി കൺവീനർ എൻ.വി. ബിജു എന്നിവർ സംസാരിച്ചു.