വർക്കല: ഇന്ത്യൻ നവോത്ഥാനത്തിന്റെ ആദ്യ ശില്പി ശ്രീനാരായണഗുരുവാണെന്ന് പന്ന്യൻ രവീന്ദ്രൻ

പറഞ്ഞു. ഗുരുധർമ്മ പ്രചാരണ സംഘത്തിന്റെ ആഭിമുഖ്യത്തിൽ വർക്കലയിൽ നടന്ന സ്വാമി ശാശ്വതികാനന്ദയുടെ സമാധി ദിനാചരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ഗുരുവിന്റെ സന്ദേശം ലളിതമായ ഭാഷയിൽ സാധാരണക്കാരിൽ എത്തിച്ച മഹാനാണ് സ്വാമി ശാശ്വതികാനന്ദയെന്ന് പന്ന്യൻ തുടർന്നു പറഞ്ഞു. സംഘം ചെയർമാൻ എഴുകോൺ രാജ് മോഹൻ അദ്ധ്യക്ഷത വഹിച്ചു, സ്വാമി പരാനന്ദ, സ്വാമി കൃഷ്ണാനന്ദ, സംഘം ജനറൽ സെക്രട്ടറി ബി.സ്വാമിനാഥൻ, വർക്കല മോഹൻദാസ്, ശാന്തിനി കുമാരൻ, ഓടനാവെട്ടം ഹരീന്ദ്രൻ, ക്ലാപ്പന സുരേഷ്, സുശീല മുരളീധരൻ എന്നിവർ സംസാരിച്ചു.