കടയ്ക്കാവൂർ: കേരള മത്സ്യത്തൊഴിലാളി ക്ഷേമനിധി ബോർഡ് (മത്സ്യ ബോർഡ്) മത്സ്യത്തൊഴിലാളികൾക്കും - അനുബന്ധ തൊഴിലാളികളുടെ മക്കൾക്കുമായി നടപ്പിലാക്കിവരുന്ന വിദ്യാഭ്യാസ - കായിക പ്രോത്സാഹന അവാർഡിന് അപേക്ഷ ക്ഷണിച്ചു.2023-2024 അദ്ധ്യയന വർഷം എസ്.എസ്.എൽ.സി,പ്ലസ്.ടു/ വി.എച്ച്.എസ്.സി പരീക്ഷകളിൽ ഉന്നത വിജയം നേടിയവർ,ഗവൺമെന്റ് റീജിയണൽ ഫിഷറീസ് ടെക്നിക്കൽ ഹൈസ്കൂളുകളിൽ നിന്ന് ഉന്നത വിജയം നേടിയവർ,കായിക മത്സരങ്ങളിൽ ദേശീയ തലത്തിലും സംസ്ഥാന തലത്തിലും വിജയം നേടുന്നവർ എന്നിവർക്കാണ് വിദ്യാഭ്യാസ പ്രോത്സാഹന അവാർഡിന് അർഹത. അപേക്ഷയോടൊപ്പം പാസ് സർട്ടിഫിക്കറ്റിന്റെയും മാർക്ക് ലിസ്റ്റിന്റെയും സാക്ഷ്യപ്പെടുത്തിയ പകർപ്പ്‌, ⁠രക്ഷാകർത്താവിന്റെ ക്ഷേമനിധി ബോർഡ്‌ പാസ് ബുക്കിന്റെ ഫോട്ടോ പതിച്ച പേജ്,കുടുംബ വിവര പേജ്,വിഹിതമടവ് രേഖപ്പെടുത്തിയിട്ടുള്ള പേജ് എന്നിവയുടെ പകർപ്പ്‌,⁠വിദ്യാർത്ഥിയുടെ ബാങ്ക് പാസ്ബുക്കിന്റെ പകർപ്പ്, ⁠പാസ്പോർട്ട് സൈസ് കളർ ഫോട്ടോ (2 എണ്ണം),അപേക്ഷ എന്നിവ ഹാജരാക്കണം.അപേക്ഷ അനുബന്ധ രേഖകൾക്കൊപ്പം മത്സ്യത്തൊഴിലാളി ക്ഷേമനിധി ബോർഡിന്റെ ഫിഷറീസ് ഓഫീസുകളിലാണ് സമർപ്പിക്കേണ്ടത്. അപേക്ഷ സമർപ്പിക്കേണ്ട അവസാന തീയതി 15.