തിരുവനന്തപുരം: മാദ്ധ്യമപ്രവർത്തകൻ സുൽത്താൻ ബത്തേരി കുപ്പാടി പുത്തൻവിള വീട്ടിൽ എം.ആർ.സജേഷ് (46) നിര്യാതനായി. അസുഖബാധിതനായി ചികിത്സയിലിരിക്കെ ഇന്നലെ തലസ്ഥാനത്തെ സ്വകാര്യ ആശുപത്രിയിലായിരുന്നു അന്ത്യം.

ഇന്ത്യാ വിഷൻ,കൈരളി ടി.വി,റിപ്പോർട്ടർ ടിവി,ഇ.ടി.വി ഭാരത് തുടങ്ങിയ മാദ്ധ്യമസ്ഥാപനങ്ങളിൽ പ്രവർത്തിച്ചിട്ടുണ്ട്. എം.രവീന്ദ്രൻ പിള്ളയുടെയും സി.എച്ച്.വസന്തകുമാരിയുടെയും മകനാണ്. ഭാര്യ: ഷൈമി ഇ.പി (മീഡിയ കോ ഓർഡിനേറ്റർ,നോളേജ് ഇക്കോണമി മിഷൻ). മകൾ: ഋതു ശങ്കരി. സംസ്‌കാരം ഇന്ന് വയനാട്ടിലെ വീട്ടിൽ.