ആറ്റിങ്ങൽ: വ്യാവസായിക പരിശീലന വകുപ്പിന് കീഴിലുള്ള ആറ്റിങ്ങൽ ഗവൺമെന്റ് ഐ.ടി.ഐ പ്രവേശനത്തിന് https://itiadmissions.kerala.gov.in എന്ന പോർട്ടലിലൂടെ ഓൺലൈനായി 5ന് വൈകിട്ട് 5വരെ അപേക്ഷിക്കാം.ഉയർന്ന വിദ്യാഭ്യാസ യോഗ്യതയ്ക്കും എൻ.സി.സി,എൻ.എസ്.എസ് എന്നിവയ്ക്കും ഗ്രേസ് മാർക്ക് ലഭിക്കുന്നതിനായി സർട്ടിഫിക്കറ്റുകളുടെ പകർപ്പുകൾ അപേക്ഷയോടൊപ്പം അപ്‌ലോഡ് ചെയ്യണം.അപേക്ഷ സമർപ്പിച്ചശേഷം അപേക്ഷയുടെ പ്രിന്റ്,ഒറിജിനൽ സർട്ടിഫിക്കറ്റുകൾ എന്നിവയുമായി 10നകം സർട്ടിഫിക്കറ്റ് പരിശോധനയ്ക്കായി ഏതെങ്കിലും ഐ.ടി.ഐയിൽ നേരിട്ട് ഹാജരാകണം. പരിശോധനയ്ക്കുശേഷം അപേക്ഷയിൽ തിരുത്തലുകൾ വരുത്താൻ കഴിയുന്നതല്ല. പ്രവേശനത്തിന് അർഹരായവരുടെ ലിസ്റ്റ് ജാലകം പോർട്ടലിലും ഐ.ടി.ഐ നോട്ടീസ് ബോർഡിലും പ്രസിദ്ധീകരിക്കും. ഫോൺ:0470 2622391, 9495122391.