ചിറയിൻകീഴ്: മുതലപ്പൊഴിയിലെ അശാസ്ത്രിയത പരിഹരിക്കണമെന്നവശ്യപ്പെട്ടും മരണമടഞ്ഞവരുടെ കുടുംബങ്ങളുടെ ഉത്തരവാദിത്വം സർക്കാർ ഏറ്റെടുക്കണമെന്നാവശ്യപ്പെട്ടും മുതലപ്പൊഴിയിൽ കോൺഗ്രസ് ആരംഭിച്ച അനിശ്ചിതകാല നിരാഹാര സമരം ഇന്ന് മൂന്നാം ദിവസത്തിലേക്ക്.ഇന്നലെ മഹിളാ കോൺഗ്രസിന്റെയും ഭാരതീയ ദലിത് കോൺഗ്രസിന്റെയും നേതൃത്വത്തിൽ അഭിവാദ്യപ്രകടനങ്ങൾ നടന്നു.മുൻ ഡി.ഡി.സി പ്രസിഡന്റ് നെയ്യാറ്റിൻകര സനൽ,ദലിത് കോൺഗ്രസ് സംസ്ഥാന പ്രസിഡന്റ് എ.കെ.ശശി എന്നിവർ പങ്കെടുത്തു.ആരോഗ്യനില വഷളായതിനെ തുടർന്ന് നിരാഹാര സമരത്തിൽ പങ്കെടുത്തിരുന്ന ശാർക്കര മണ്ഡലം പ്രസിഡന്റ് മോനി ശാർക്കരയെ പൊലീസിന്റെ സാന്നിദ്ധ്യത്തിൽ ചിറയിൻകീഴ് താലൂക്ക് ആശുപത്രിയിലേക്ക് മാറ്റി.അഡ്വ.എസ്.കൃഷ്ണകുമാർ,ബി.എസ്.അനൂപ്,വർഗീസ്,മുനീർ പെരുമാതുറ എന്നിവർ അനിശ്ചിതകാല നിരാഹാര സമരത്തിലാണ്.