നെടുമങ്ങാട് : വിദ്യാഭ്യാസ ബന്ദിന്റെ പേരിൽ നെടുമങ്ങാട് ഗവണ്മെന്റ് ഗേൾസ് ഹയർ സെക്കൻഡറി സ്‌കൂൾ വളപ്പിൽ എസ്.എഫ്.ഐ പ്രവർത്തകർ അക്രമം കാട്ടിയതായി പരാതി.സ്‌കൂൾ മതിലും ഗേറ്റും ചാടിക്കടന്ന് ക്ലാസ് മുറികളിൽ അതിക്രമിച്ചു കയറിയെന്നും അദ്ധ്യാപകരെയും വിദ്യാർത്ഥികളെയും ഭീഷണിപ്പെടുത്തിയെന്നും രക്ഷാകർത്താവും നഗരസഭ മുൻ കൗൺസിലറുമായ കെ.ജെ.ബിനു പൊലീസ് മേധാവികൾക്ക് നൽകിയ പരാതിയിൽ പറയുന്നു.ഒരു വിദ്യാർത്ഥിനിയെ കൈയേറ്റത്തിന് ശ്രമിച്ചെന്നും ക്ലാസ് മുറി വെളിയിൽ നിന്ന് പൂട്ടിയെന്നും പരാതിയിലുണ്ട്.