മലയിൻകീഴ് : നേമം ബ്ലോക്ക് പഞ്ചായത്തിന്റെ ആഭിമുഖ്യത്തിൽ നടപ്പിലാക്കുന്ന 18 വയസിൽ താഴെയുള്ള കുട്ടികൾക്ക് ഫിസിയോ,സ്പീച്ച്,ഒക്കുപേഷണൽ,ബീഹേവിയർ തെറാപ്പി എന്നിവ നൽകുകയെന്ന ലക്ഷ്യത്തോടെ മലയിൻകീഴ് ഗ്രാമപഞ്ചായത്തിലെ അന്തിയൂർകോണത്ത് സജ്ജമാക്കിയിട്ടുള്ള തെറാപ്പി യൂണിറ്റ് ഉദ്ഘാടനം മന്ത്രി ആർ.ബിന്ദു ഉദ്ഘാടനം ചെയ്തു.ഐ.ബി.സതീഷ്.എം.എൽ.എ അദ്ധ്യക്ഷത വഹിച്ചു.ബ്ലോക്ക് പഞ്ചായത്ത് പ്രസിഡന്റ് എസ്.കെ.പ്രീജ സ്വാഗതംപറഞ്ഞു.ജില്ലാ പഞ്ചായത്ത് പ്രസിഡന്റ് ഡി.സുരേഷ്കുമാർ,ബ്ലോക്ക് പഞ്ചായത്ത് വൈസ് പ്രസിഡന്റ് എസ്.ചന്ദ്രൻനായർ,ബ്ലോക്ക് പഞ്ചായത്ത് സെക്രട്ടറി അജയഘോഷ് എന്നിവർ സംസാരിച്ചു. ത്രിതല പഞ്ചായത്ത് പ്രതിനിധികൾ, നിർവഹണ ഉദ്യോഗസ്ഥർ എന്നിവർ പങ്കെടുത്തു.