തിരുവനന്തപുരം: വിദ്യാഭ്യാസമെന്നാൽ വിമോചനമെന്ന ഗാന്ധിയൻ കാഴ്ചപ്പാടിന് ഇന്ന് വലിയ പ്രസക്തിയുണ്ടെന്ന് പ്രമുഖ സാമ്പത്തിക വിദഗ്ദ്ധൻ പ്രഭാത് പട്നായിക് പറഞ്ഞു. കേരള സർവകലാശാലയുടെ നാല് വർഷ ബിരുദത്തിന്റെ ഇൻഡക്ഷൻ പ്രോഗ്രാമിൽ വിദ്യാർത്ഥികളുമായി സംവദിക്കുകയായിരുന്നു അദ്ദേഹം. പൊളി​റ്റിക്കൽ സയൻസ് വിഭാഗം മുൻമേധാവി പ്രൊഫ. ജോസഫ് ആന്റണി, സെന്റർ ഫോർ അണ്ടർ ഗ്രാജ്വേ​റ്റ്സ് സ്​റ്റഡീസ് ഡയറക്ടർ പ്രൊഫ. സാംസോളമൻ, ക്രെഡി​റ്റ് ആൻഡ് സെമസ്​റ്റർ സിസ്​റ്റം വൈസ് ചെയർമാൻ പ്രൊഫ. ആർ. ജയചന്ദ്രൻ, ഇക്കണോമിക്സ് വിഭാഗം അദ്ധ്യാപകൻ സിദ്ധിഖ് റാബിയത്ത് എന്നിവർ പങ്കെടുത്തു.