ശിവകാർത്തികേയനെ നായകനാക്കി സിബി സംവിധാനം ചെയ്യുന്ന ബോസ് എന്ന ചിത്രത്തിൽ രശ്മിക മന്ദാന നായിക. എസ്.ജെ. സൂര്യ പ്രതിനായകനായി എത്തുന്നു. ഇതാദ്യമായാണ് ശിവകാർത്തികേയനും രശ്മിക മന്ദാനയും ഒരുമിക്കുന്നത്. അതേസമയം ശിവകാർത്തികേയൻ നായകനായി രാജ് കുമാർ പെരിയസ്വാമി സംവിധാനം ചെയ്യുന്ന അമരൻ റിലീസിന് ഒരുങ്ങുന്നു. രാജ് കമൽ ഫിലിംസിന്റെ ബാനറിൽ കമൽഹാസൻ നിർമ്മിക്കുന്ന ചിത്രത്തിൽ സായ് പല്ലവിയാണ് നായിക.

മേജർ മുകുന്ദ് വരദരാജന്റെ ജീവിതമാണ് ചിത്രത്തിന്റെ പ്രമേയം. മേജർ മുകുന്ദ് വരദരാജനായാണ് ശിവകാർത്തികേയൻ ചിത്രത്തിൽ എത്തുന്നത്. ഇന്ത്യൻ ക്രിക്കറ്റർ നടരാജന്റെ ജീവചരിത്രം പറയുന്ന സിനിമയിൽ ശിവകാർത്തികേയൻ നായകനാകുന്നുവെന്ന് റിപ്പോർട്ടുണ്ട്. ശിവകാർത്തികയേനായിരിക്കും ചിത്രം സംവിധാനം ചെയ്യുക.