തിരുവനന്തപുരം: അഭിജിത് ഫൗണ്ടേഷന്റെ ആഭിമുഖ്യത്തിൽ അഭിജിത്തിന്റെ ഒമ്പതാം ചരമവാർഷികാചരണം 25ന് വൈകിട്ട് 4.30ന് അയ്യങ്കാളി ഹാളിൽ ഗവർണർ ആരിഫ് മുഹമ്മദ്‌ ഖാൻ ഉദ്ഘാടനം ചെയ്യും.രമേശ്‌ ചെന്നിത്തല,​ കടകംപള്ളി സുരേന്ദ്രൻ എം.എൽ.എ,​ കെ.ജയകുമാർ,​ ഫൗണ്ടേഷൻ മുഖ്യരക്ഷാധികാരി ജസ്റ്റിസ് എം.ആർ.ഹരിഹരൻ നായർ, ചെയർമാൻ ഡോ.ജോർജ്ജ് ഓണക്കൂർ, ഫാദർ മാത്യു തെങ്ങുംപള്ളി, ഫൈസൽ ഖാൻ തുടങ്ങിയവർ പങ്കെടുക്കും. അഭിജിത് ഫൗണ്ടേഷനും നിംസ് മെഡിസിറ്റിയും ചേർന്ന് നടപ്പാക്കുന്ന ആതുര സേവന പദ്ധതിക്കും തുടക്കമിടും. വിദ്യാഭ്യാസ - ചികിത്സാ സഹായം, ശ്രീചിത്രഹോമിലെ വിദ്യാർത്ഥികൾക്കുള്ള സഹായങ്ങൾ തുടങ്ങിയവ വിതരണം ചെയ്യും. ഇതുസംബന്ധിച്ച ആലോചനായോഗം ഫൗണ്ടേഷൻ ചെയർമാൻ ഡോ.ജോർജ്ജ് ഓണക്കൂർ ഉദ്ഘാടനം ചെയ്തു. മാനേജിംഗ് ട്രസ്റ്റി കോട്ടുകാൽ കൃഷ്ണകുമാർ അദ്ധ്യക്ഷനായി. ജനറൽ സെക്രട്ടറി അജിത് വെണ്ണിയൂർ,​ ഭാരവാഹികളായ എസ്.എസ്.പ്രകാശ്, കരുംകുളം ജയകുമാർ, ഡോ.ഗംഗപ്രസാദ്, പനത്തുറ ബൈജു, അഡ്വ.പാച്ചല്ലൂർ ജയകൃഷ്ണൻ, സരിതാറാണി, അഭിനന്ദ് എന്നിവർ സംസാരിച്ചു.