പാലോട്: കള്ളിപ്പാറ റസിഡന്റ്സ് അസോസിയേഷൻ ആരംഭിച്ച ലൈബ്രറിയുടെ ഉദ്ഘാടനം ലൈബ്രറി കൗൺസിൽ സംസ്ഥാന സെക്രട്ടറി വി.കെ. മധു നിർവഹിച്ചു. പ്രസിഡന്റ് വി.എൽ. രാജീവ് അദ്ധ്യക്ഷനായി. അസോസിയേഷന് കീഴിൽ തൊഴിൽ പരിശീലനം പൂർത്തിയാക്കിയ വനിതകൾക്കുള്ള സർട്ടിഫിക്കറ്റ് വിതരണം നന്ദിയോട് പഞ്ചായത്ത് പ്രസിഡന്റ് ശൈലജ രാജീവൻ നിർവഹിച്ചു.

ഫൗണ്ടേഷൻ സെക്രട്ടറിയും സാഹിത്യകാരനുമായ രാജൻ പൊഴിയൂർ മുഖ്യാതിഥിയായി. ഫ്രാറ്റ് മേഖലാ പ്രസിഡന്റ് ജി.ബാലചന്ദ്രൻ നായർ,ലൈബ്രറി കൗൺസിൽ ജില്ലാ കമ്മിറ്റി അംഗം ടി.എൽ.ബൈജു,സഹൃദയ ഗ്രന്ഥശാല പ്രസിഡന്റ് പാലുവള്ളി ശശി,നെഹ്റു യോഗ കേന്ദ്ര കോഓർഡിനേറ്റർ വിഷ്ണു ഷാജി,അസോസിയേഷൻ ഭാരവാഹികളായ വിക്ടർ തോമസ്,ജി.ബോബൻ,കെ.ആർ.ബാലചന്ദ്രൻ,വി.എസ്. ശാലിനി,ജി.ബിജു കുമാർ എന്നിവർ സംസാരിച്ചു. വിദ്യാഭ്യാസ പ്രതിഭകൾക്കുള്ള ഉപഹാര സമർപ്പണം,കുട്ടികൾക്ക് പഠനോപകരണ വിതരണം എന്നിവയും നടന്നു.