വർക്കല:കേരള ഗാന്ധിസ്മാരകനിധിയുടെ നേതൃത്വത്തിൽ ഇൻസ്റ്റിറ്റ്യൂട്ട് ഒഫ് ഗാന്ധിയൻ തോട്സ് ആൻഡ് റിസർച്ച് തിരുവനന്തപുരം,അയിരൂർ എം.ജി.എം മോഡൽസ്കൂൾ,നെയ്യാറ്റിൻകര ജി.ആർ പബ്ലിക് സ്കൂൾ,നിംസ് മെഡിസിറ്റി നെയ്യാറ്റിൻകര എന്നിവയുടെ സംയുക്താഭിമുഖ്യത്തിൽ അദ്ധ്യാപകർക്കായി ആരംഭിക്കുന്ന ഗാന്ധിയൻ പഠനകോഴ്സിന്റെ സംസ്ഥാനതല ഉദ്ഘാടനം 19ന് രാവിലെ 10ന് അയിരൂർ എം.ജി.എം മോഡൽ സ്കൂൾ ഒാഡിറ്റോറിയത്തിൽ നടക്കും.മന്ത്റി ജി.ആർ.അനിൽ ഉദ്ഘാടനം നിർവഹിക്കും.അഡ്വ.വി.ജോയി എം.എൽ.എ അദ്ധ്യക്ഷത വഹിക്കും.ഗാന്ധി വിശിഷ്ട സേവാ പുരസ്കാരം പൂർണ്ണ എഡ്യൂക്കേഷൻ ഫൗണ്ടേഷൻ പ്രസിഡന്റ് ഡോ.പി.കെ.സുകുമാരന് ഹൈക്കോടതി ജസ്റ്റിസ് എം.ആർ. ഹരിഹരൻനായർ സമർപ്പിക്കും.നൂറുൽ ഇസ്ലാം യൂണിവേഴ്സിറ്റി പ്രൊ ചാൻസിലർ എം.എസ്.ഫൈസൽഖാൻ ഡിപ്ലോമ കോഴ്സ് വിശദീകരണം നടത്തും. ഗാന്ധിയൻ കർമ്മപഥത്തിലൂടെ ഡോ.പി.കെ.സുകുമാരൻ ഡോക്യുമെന്ററി പ്രദർശനവും നടക്കും.