തിരുവനന്തപുരം: കേരള സർവകലാശാലയിലെ സർക്കാർ, എയ്ഡഡ്, കെ.യു.സി.​ടി.ഇ, സ്വാശ്രയ കോളേജുകളിലെ ബി.എഡ് സീറ്റുകളിലേക്കുള്ള സ്പോട്ട് അലോട്ട്‌മെന്റ് 23, 24, 25 തീയതികളിൽ പാളയം സെന​റ്റ് ഹാളിൽ നടത്തും. വിവരങ്ങൾ വെബ്സൈറ്റിൽ.

കോളേജ് മാ​റ്റത്തിന് അപേക്ഷിക്കാം

ബിരുദ വിദ്യാർത്ഥികൾക്ക് മൂന്നാം സെമസ്​റ്ററിലേക്ക് കോളേജ് മാ​റ്റത്തിന് അപേക്ഷിക്കാം. ഗവൺമെന്റ്, എയ്ഡഡ് കോളേജുകൾ തമ്മിലും സ്വാശ്രയ കോളേജുകൾ തമ്മിലും യു.ഐ.​ടി സെന്ററുകൾ തമ്മിലും മാറ്റം അനുവദിക്കും. വിവരങ്ങൾ www.keralauniversity.ac.in വെബ്സൈറ്റിൽ.

പരീക്ഷാ ഫീസ് അടയ്ക്കാം

ആഗസ്​റ്റിൽ ആരംഭിക്കുന്ന രണ്ടാം സെമസ്​റ്റർ സി.ബി.സി.എസ്.എസ് ബി.എ./ബി.എസ്‌സി/ബികോം. പരീക്ഷകൾക്ക് പിഴകൂടാതെ 25 വരെയും 150 രൂപ പിഴയോടെ 27 വരെയും 400 രൂപ പിഴയോടെ 29 വരെയും അപേക്ഷിക്കാം.

ടൈംടേബിൾ

മേയിൽ നടത്തിയ മൂന്നാം സെമസ്​റ്റർ എം.ബി.എ. ട്രാവൽ ആൻഡ് ടൂറിസം പരീക്ഷകളുടെ വൈവവോസി പരീക്ഷാ ടൈംടേബിൾ പ്രസിദ്ധീകരിച്ചു.

29ന് ആരംഭിക്കുന്ന രണ്ടാം സെമസ്​റ്റർ ബി.എഡ് സ്‌പെഷ്യൽ എഡ്യൂക്കേഷൻ പരീക്ഷ ടൈംടേബിൾ പ്രസിദ്ധീകരിച്ചു.

കാര്യവട്ടം യൂണിവേഴ്സി​റ്റി കോളേജ് ഒഫ് എൻജിനിയറിംഗ് മേയിൽ നടത്തിയ അഞ്ചാം സെമസ്​റ്റർ ബി.ടെക് പരീക്ഷയുടെ പ്രാക്ടിക്കൽ എക്സാം ടൈംടേബിൾ പ്രസിദ്ധീകരിച്ചു.

സൂക്ഷ്മ പരിശോധന

വിദൂരവിദ്യാഭ്യാസ വിഭാഗം ഡിസംബറിൽ നടത്തിയ ഒന്ന്, രണ്ട് സെമസ്​റ്റർ ബി.സി.എ./ബി.എസ്‌സി കമ്പ്യൂട്ടർ സയൻസ് പരീക്ഷയുടെ സൂക്ഷ്മ പരിശോധനയ്ക്ക് അപേക്ഷിച്ചവർ തിരിച്ചറിയൽ കാർഡും ഹാൾടിക്ക​റ്റുമായി 20 മുതൽ 27 വരെയുള്ള പ്രവൃത്തി ദിനങ്ങളിൽ റീവാല്യുവേഷൻ സെക്ഷനിൽ ഹാജരാകണം.

ഏപ്രിലിൽ നടത്തിയ ആറാം സെമസ്​റ്റർ യൂണി​റ്ററി എൽ.എൽ.ബി പരീക്ഷയുടെ സൂക്ഷ്മപരിശോധനയ്ക്ക് അപേക്ഷിച്ചവർ തിരിച്ചറിയൽ കാർഡും ഹാൾടിക്ക​റ്റുമായി 22, 23, 24 തീയതികളിൽ റീവാല്യുവേഷൻ സെക്ഷനിൽ ഹാജരാകണം.