കല്ലറ: വീട്ടിൽ ഞാലിപ്പൂവൻ വാഴയുണ്ടോ കൈ നിറയെ കാശ് സമ്പാദിക്കാം. ഞാലിപ്പൂവൻ പഴത്തിന് ഇപ്പോൾ വില കൂടുതലാണ്. കിലോ നൂറു രൂപ കിട്ടും. ഞാലിപ്പൂവൻ വാഴക്കൃഷിയിലൂടെ കുലയിൽ മാത്രമല്ല ഇലയിലും ലാഭം നേടാം. ഞാലിപ്പൂവൻ ഒരു ഹെക്ടറിൽ നിന്ന് 2500 വാഴക്കുലകൾ ലഭിക്കും. ഇതിൽ ഒരു വാഴയിൽ നിന്ന് ഇലകൾക്ക് മാത്രം 50 രൂപയോളം ലഭിക്കും. ഒരു ഇലയ്ക്ക് 4 രൂപയാണ് വില. 10 ഇലകൾ കുറഞ്ഞത് ഒരു വാഴയിൽ നിന്ന് വെട്ടാനാകും. എഴുപത്തി അയ്യായിരം രൂപയോളം അധിക വരുമാനമാണ് ഇങ്ങനെ ലഭിക്കുക.

കാറ്ററിംഗുകാരും ഇവന്റ്മാനേജ്മെന്റ് ഗ്രൂപ്പുകളുമാണ് ഇലകളുടെ ആവശ്യക്കാർ. ഇലയിൽ ഊണ് എന്ന ബോർഡ് കണ്ട് ഇറങ്ങുന്ന ഹോട്ടലുകളിലും ഇല ഇത് തന്നെ.

ഇലകൾ കട്ടികുറഞ്ഞതും പൊട്ടാത്തതുമാണ് ഞാലിപ്പൂവൻ വാഴയിലയുടെ പ്രത്യേകത. മറ്റു പഴങ്ങളെക്കാൾ പെട്ടന്ന് അണുക്കളും അധികമായി ബാധിക്കാറില്ല. ഞാലിപ്പൂവൻ വാഴക്കൃഷി കർഷർക്ക് അധിക വരുമാനം ലഭ്യമാക്കുന്നതിനാൽ കർഷകർ ഈ കൃഷിയിലേക്ക് തിരിഞ്ഞിരിക്കുകയാണ്.